Проф. д-р Даница Грујичиќ, директорка на Институтот за онкологија и радиологија во Србија, врз основа на сопственото искуство, тврди дека е многу важно навремено да се открие инфекцијата со коронавирус.
Влошување на здравствената состојба од час во час
Докторката објаснува дека карактеристично за COVID-19 е тоа што предизвикува тромбоемболиски компликации во целиот организам.
„Се случува нешто што досега сме го гледале само во научно-фантастичните филмови. Се случувало да не можат да му извадат крв на пациент за анализа затоа што крвта му е многу згрутчена. Затоа е важно сите оние што не се лекари, кои не знаат дали имаат ризик фактори да одат кај својот матичен лекар бидејќи тие знаат многу за COVID-19“, објасни докторката, гостувајќи во емисијата „РТС Ординација“.
Кај сите луѓе кои имале тешка клиничка слика, се вовлекува стравот од смрт. Болеста се развива брзо и луѓето се плашат од понатамошни контакти. Психолозите ќе имаат многу работа по епидемијата
Таа додава дека болеста е таква што се случува драстично влошување на здравствената состојба од час во час. „Значи, сега разговарате со пациентот, по два часа ви јавуваат дека го реанимирале“, објаснува докторката за тоа како може да биде неизвесен текот на болеста, додавајќи дека токму затоа е многу важно граѓаните да се јават на лекар веднаш штом ќе ги почувствуваат првите симптоми.
Контактирајте го вашиот лекар при првите симптоми
„Штом ги почувствувате симптомите, веднаш јавете се на лекар и веднаш легнете во кревет. Особено оние кои имаат некој во семејството кој имал тромбоемболија или слично, потоа луѓето кои имале проблем со вените на нозете, жените кои имале гинеколошки операции мора да се јават на лекар за да добијат лек, кој ја разредува крвта и спречува да се згрутчи“, истакнува проф. д-р Грујичиќ.
Според неа, собирите треба да се избегнуваат во наредниот период, особено трговските центри, кои, како што тврди, се најголемиот извор на инфекција.
„Ги разбирам младите и нормално е дека сакаат да се дружат, но сега големите собири не се добри. Отсекогаш сум била против тие кутии од трговски центри. Воздухот и природната вентилација се важни, а тоа го нема во трговски центар“.
Д-р Грујичиќ советува пациентите кои се заразиле со COVID-19 да бидат дисциплинирани, да ги слушаат препораките на лекарите, но и да го ослушнуваат нивниот организам.
Собирите треба да се избегнуваат во наредниот период, особено трговските центри, кои се најголемиот извор на инфекција
Важно е да се земаат витамини Ц и Д, како и да се пијат многу течности.
„Малку природен имунитет, малку вакцини и ќе сопре епидемијата. Не сакам да слушнам дека не можеме да ја победиме короната“.
Психолозите ќе имаат многу работа по епидемијата
„Кај сите луѓе кои имале тешка клиничка слика, се вовлекува стравот од смрт. Болеста се развива брзо и луѓето се плашат од понатамошни контакти. Психолозите ќе имаат многу работа по епидемијата“, оценува проф. д-р Грујичиќ. (РТС)
