Консултант за односи со јавноста откри дека неговата сопруга драматично закрепнала од КОВИД-19 откако медицинските лица ја свртеле на стомак.
Адам Фреско (52) со скршено срце се збогувал со својата сопруга Стејси, бидејќи лекарите од NHS биле убедени дека ќе умре од инфекцијата „во рок од неколку часа“. Нејзиното срце, бубрезите и белите дробови почнале да пропаѓаат како резултат на коронавирусот, а лекарите му рекле на семејството да се подготви за најлошото.
Фреско и неговите две ќерки, на возраст од 21 и 23 години, ги читале картичките по повод Денот на мајката додека се збогувале со нивната мајка. Фреско, чиј дедо бил фотограф на „Дејли мејл“, напиша вчера во „Тајмс“: „Се сеќавам дека прашував дали има нешто „чудно“, нешто експериментално кое се покажало успешно во странство. Беше очајна молба…“, се потсеќа Фреско.
„Докторот Дејв се врати назад и ми рече дека има нешто што може да се направи како последен обид, нешто што се нарекува „proning“, каде што пациентот се става да лежи на стомак 12 часа.“
Упатството на NHS за пациенти со КОВИД-19 на интензивна нега ги советува лекарите да размислат за користење на оваа техника на лежење на стомак, која е откриена во 70-тите години. Оттаму препорачуваат докторите да ја користат оваа положба кај пациенти кај кои е неуспешна конвенционалната вентилација додека лежат на грб
Оттогаш неговата сопруга (50) лежела на стомак по 12 часа на ден со цел да се подобри капацитетот на нејзините бели дробови и да се помогне во дренажа на течноста која се насобрала во белите дробови како резултат на пневмонија.
Сепак, нејзиниот сопруг исто така бил предупреден и дека постои голема можност поставувањето на стомак да доведе до фатален срцев удар, раскажа Фреско. Стејси веќе била во критична фаза од болеста и нејзиното срце „не работело правилно“.
Состојбата на г-ѓа Фреско се подобрила преку ноќ и таа почнала полека да ја враќа силата. После две недели била отпуштена од болницата откако била класифицирана како „најболниот пациент во болницата“.
Упатството на NHS за пациенти со КОВИД-19 на интензивна нега ги советува лекарите да размислат за користење на оваа техника на лежење на стомак, која е откриена во 70-тите години. Оттаму препорачуваат докторите да ја користат оваа положба кај пациенти кај кои е неуспешна конвенционалната вентилација додека лежат на грб.
Советот за пациенти на интензивна нега се заснова на искуствата на италијанските лекари кои се на првата борбена линија против коронавирусот.
Експертите апелираат до болниците да размислат да ги стават пациентите на стомак дури и пред да стигнат до интензивната нега, за да им се даде најдобра шанса за преживување
Пред пандемијата, овој начин на позиционирање на пациентот се сметал за „непознат“ за медицинските сестри. Но, сега, потребен е цел тим од осум луѓе за да го свртат телото со помош на детален протокол.
Експертите апелираат до болниците да размислат да ги стават пациентите на стомак дури и пред да стигнат до интензивната нега, за да им се даде најдобра шанса за преживување.
Докторите насекаде во светот, во Италија, Португалија и САД, велат дека се потпираат на положбата на стомак кај скоро секој пациент, па дури и ако не е сериозно болен.
Како и да е, се уште постои „игра на балансирање“ при одлучување дали да се користи „превртувањето“ кај секој поединечен пациент. Самата процедура има свои ризици кои можат да бидат фатални, од кои најзначајни се тешкотиите при изведување на CPR ако пациентот доживее срцев удар.
Конечната одлука за секој пациент поединечно е во рацете на докторот, кој мора да размисли добро за ризиците и бенефитите од „превртувањето“ на пациентот на стомак. (Дејли мејл)
