Температурата е еден од очигледните сигнали за инфекција со коронавирус. Кај повеќе од 50% од ковид-позитивните случаеви, лицето развива треска или покачена телесна температура во иницијалната фаза, што ја олеснува дететкцијата на оваа инфективна болест. Тоа е една од причините зошто на јавните места и во училиштата и градинките се поставуваат пукнтови за мерење на температура. Но, само мерењето температура може да биде проблематични во многу случаи, особено кај асимптоматските пациенти.
Дали мерењето температура е доволна заштита против КОВИД-19?
Покачената телесна температура е навистина еден од типичните симптоми на коронавирус, но не е единствениот симптом на КОВИД-19. Течење од нос, главоболки, замор и болка во грлото се исто така некои од симптомите. Проверката само на температурата и одвојувањето на луѓето со оглед на телесната температура може да доведе до лажно чувство на сигурност. Тоа помага единствено ако лицето покажува симптоми. Затоа што може да има повеќе лица кои можеби немаат покачена температура, но можат да бидат подеднакво заразни.
ПОКАЧЕНА ТЕЛЕСНА ТЕМПЕРАТУРА ВО СЛУЧАЈ НА ОМИКРОН
Сега кога е активна новата варијанта на коронавирусот, уште потешко е да се открие дали некое лице е заразено или не. Омикрон варијантата најчесто води до симптоми кои се вообичаени за настинка, а тие се благи. Сепак, треската не е почетен симптом на омикрон. Студијата спроведена во Обединетото Кралство покажала дека течење на носот, главоболка, замор и кивање се некои чести првични симптоми на оваа нова варијанта. 73 проценти од лицата заразени со омикрон имале течење на носот како симптом. 68 отсто од луѓето имале главоболки, 64 отсто чувствувале замор, а 60 отсто имале изразено кивање. Важно е да се спомене и дека симптомите биле исти кај вакцинирани и невакцинирани.
КАКО ДА СЕ ЗАШТИТИМЕ?
Се наоѓаме во пандемија и никој не знае колку долго ќе трае. Мерењето на температурата не е единствениот начин да се осигура дека вирусот не се шири на поголема група луѓе. Секое лице треба да се однесува одговорно и да ги следи упатствата за да го намали ризикот од инфекција. Ако сте биле во контакт со некој кој е позитивен или има симптоми, изолирајте се. Дополнително, редовно мијте ги рацете, носете маска и одржувајте растојание од најмалку два метри за да избегнете инфекција со вирусот.
