Дали сте подготвени за второ дете првенствено зависи од вашите желби. Откако жената ќе закрепне психички и физички од претходното породување, многу други фактори влегуваат во игра кои можат да влијаат на вашата желба да имате уште едно дете или сепак, да почекате уште малку. Во продолжение – главните предуслови кои треба да ги исполните пред да одлучите да имате уште едно дете.
Телото се опоравило од претходната бременост
За да биде бременоста безбедна за вас и за детето, дефинитивно се советува да му дадете доволно време на телото да се опорави од претходната бременост и породувањето. Оптималниот период за опоравување се проценува на приближно 18 до 24 месеци. Колку време ќе му треба на вашето тело зависи од жена до жена, но многу зависи и од претходното раѓање. Ако сте се породиле со царски рез, тогаш препораките за следната бременост одат и до три години растојание за да бидете сигурни дека матката целосно заздравела и е подготвена да ги поднесе големите промени во тежината и растегнување кога бебето ќе почне да расте.
Родителите генерално дури и пред првото дете знаат дали сакаат минимална или малку поголема разлика во годините меѓу нивните деца. Секако дека има предности и во двата случаи. Со мала разлика во возраста, браќата/сестрите генерално ги минуваат сите развојни и социјални фази заедно во текот на животот и често стануваат најдобри пријатели (ако го игнорираме периодот на пубертет). Со голема разлика во години, постарото дете ќе ви биде од голема помош и емотивно и физички
Потребни се нешто повеќе од две години за протокот на крв во матката да се врати на нивото пред бременоста, а знаеме колку е важен висококвалитетниот проток на крв низ матката за благосостојбата на детето, сите хранливите материи на овој начин се пренесуваат на детето. Краткиот интервал помеѓу бременостите со себе носи и ризик од мала тежина при раѓање и предвремено породување. Доколку дојде до бременост помалку од две години по царски рез, се советува да се избегнува каква било форма на анестезија (вклучувајќи епидурална) за лековите да не ја прикријат можната руптура на матката на местото на претходниот рез.
Финансиски сте подготвени за второ дете
Втората бременост може да биде помал финансиски товар, имајќи предвид дека не мора да трошите за некои од најголемите трошоци како уредување на собата, купување креветче, количка и друга опрема доколку сте ги сочувале од првото дете. За основните потреби, повеќето луѓе веројатно можат да одвојат пари, но ако сте во стресен период, ако вашата финансиска стабилност е доведена во прашање, а ситуацијата на работа не е баш идеална, можеби не е лошо да почекате еден месец, два со бременоста или додека не се среди ситуацијата, додека се не си дојде на свое место. Пред се, размислете за вашето здравје и обидете се да избегнете стрес и грижи за такви работи во текот на бременоста.
Емотивно сте подготвени за второ дете
Вие и вашиот партнер се почесто ја изразувате желбата за друго дете. Забележувате се што е поврзано со децата во вашата околина и подготвени сте да се откажете од дел од вашата удобност на сметка на нов извор на радост во семејството. Дури и непроспиените ноќи не ви изгледаат како нешто тешко. Ако волјата е присутна кај двајцата партнери, подготвени сте!
Детето е подготвено да добие брат или сестра
Родителите генерално дури и пред првото дете знаат дали сакаат минимална или малку поголема разлика во годините меѓу нивните деца. Секако дека има предности и во двата случаи. Со мала разлика во возраста, браќата/сестрите генерално ги минуваат сите развојни и социјални фази заедно во текот на животот и често стануваат најдобри пријатели (ако го игнорираме периодот на пубертет). Со голема разлика во години, постарото дете ќе ви биде од голема помош и емотивно и физички, бидејќи е интересно за децата да помагаат при менување пелени, капење и играње со бебињата затоа што тоа ги прави да се чувствуваат „големи“.
Без оглед на тоа што постариот брат/сестра со нетрпение ја очекува приновата, не е ништо необично ако повремено се јават љубоморни реакции. Не заборавајте да му посветите доволно внимание на постарото дете за да се чувствува сакано и кога ќе стигне бебето.
