Ако има нешто што новите родители добро го знаат, тоа е дека бебињата не доаѓаат со упатство за употреба. Затоа, секое прашање за тоа како да го одржите ова мало суштество безбедно и здраво обично ве води до море на безброј информации. Мислењата се различни, како и квалификациите на луѓето кои ги даваат. Советите за чистење на јазикот на вашето бебе се една од тие теми. Но, што велат експертите?
Не мора редовно да го чистите или бришете јазикот на вашето бебе во првите неколку месеци, освен ако почнуваат да никнуваат запчиња или веќе има никнато запче. „Еден од првите знаци на никнување на заби се отечените непца,“ вели д-р Шенон Томпсон, педијатар. „Ова обично се случува кога бебињата имаат околу 4 до 6 месеци. И тоа е знак дека треба да почнете редовно да ги чистите нивните заби и непца“
Кога треба да се чисти јазикот на бебето?
Не мора редовно да го чистите или бришете јазикот на вашето бебе во првите неколку месеци, освен ако:
- Почнуваат да никнуваат запчиња или веќе има никнато запче. „Еден од првите знаци на никнување на заби се отечените непца,“ вели д-р Шенон Томпсон, педијатар. „Ова обично се случува кога бебињата имаат околу 4 до 6 месеци. И тоа е знак дека треба да почнете редовно да ги чистите нивните заби и непца.“
- Се сомневате на орална кандидијаза. Ова е габична инфекција што може да остави кремасти бели наслаги на јазикот или на внатрешноста на образите на вашето бебе. Проблемот е што може да изгледа како остатоци од млеко.
Во спротивно, чистењето на јазикот на вашето бебе е нешто што не е неопходно.
„Сè додека сте многу нежни, нема ризик ако сакате да го чистите јазикот на вашето бебе еднаш дневно. Но, тоа не е нешто што обично го препорачуваме, бидејќи сè додека нема запчиња, едноставно нема потреба,“ појаснува д-р Томпсон.
Некои луѓе велат дека чистењето на јазикот или непцата ја спречува оралната кандидијаза, но тоа не е точно. Оваа инфекција е честа појава кај бебињата, но млечниот јазик не е причината. Оралната кандидијаза е предизвикана од прекумерен раст на габата Candida. Бебињата ја добиваат при доење или пиење од шише. Чистењето на јазикот по оброк или на крајот на денот нема да го спречи тоа.
Како да го исчистите јазикот на бебето?
Ако бебето е во фаза на никнување на заби или се сомневате на орална кандидијаза, следете ги овие чекори за чистење на устата:
- Добро измијте ги рацете.
- Ако нема запчиња, завиткајте прст во чисто марамче. Ако има запчиња, користете мала, мека четка за заби и количина на паста со флуор како зрно ориз.
- Навлажнете го марамчето или четката со малку вода.
- Нежно поминете преку непцата, јазикот и внатрешноста на образите. Користете кружни движења и не одете предалеку назад за да не го активирате рефлексот на повраќање.
- Не плакнете ја устата. Бебињата не треба да пијат вода пред да наполнат 6 месеци.
Ако сакате да проверите дали има орална кандидијаза, погледнете дали белите наслаги се бришат. Ако јазикот се исчисти, сè е во ред. „Ако е орална кандидијаза, белите наслаги ќе останат и по чистењето,“ вели д-р Томпсон. „Оваа инфекција не се отстранува со бришење.“
Некои луѓе велат дека чистењето на јазикот или непцата ја спречува оралната кандидијаза, но тоа не е точно. Оваа инфекција е честа појава кај бебињата, но млечниот јазик не е причината. Оралната кандидијаза е предизвикана од прекумерен раст на габата Candida. Бебињата ја добиваат при доење или пиење од шише. Чистењето на јазикот по оброк или на крајот на денот нема да го спречи тоа
Оралната кандидијаза обично се лекува со антифунгални лекови на рецепт. Јавете се кај педијатар ако се сомневате дека вашето бебе ја има оваа инфекција.
Заклучок
Сè додека бебињата немаат запчиња, нема потреба да интервенирате во нивната орална хигиена. А и најверојатно нема да бидат среќни што им ги ставате прстите во устата.
И покрај тоа што некои го велат спротивното, редовното чистење на јазикот нема да направи разлика во тоа дали вашето бебе ќе се „навикне“ на миење заби. Чистењето на јазикот кај новороденче нема да ја олесни транзицијата кон четкање на забите.
„Важно е бебињата да се навикнат на четкање на забите, затоа што тоа е важно за оралната хигиена во иднина,“ потврдува д-р Томпсон. „Но, чистењето на јазикот и устата во првите неколку месеци од животот, пред да имаат заби, нема да им помогне да развијат толеранција за тоа.“
