Ако тезата дека вакцините предизвикуваат мутации е точна, тогаш би требало да се појават нови видови на вирус во земјите кои имаат голем број вакцинирани, на пример, во Израел или Велика Британија. „Ова воопшто не е случај. Мутациите на вирусот се појавуваат токму во земјите каде што сè уште нема голем процент на вакцинирани и каде има многу луѓе на мал простор“, објаснува Пеги Ризе од Центарот за инфективни истражувања Хелмхолц во Брауншвајг
Точните функции на мутацијата на делта варијантата на коронавирус до денес не се научно истражени. Единственото нешто што е јасно е дека мутациите овозможуваат вирусот полесно да се врзе за човечките клетки и да избегне некои имунолошки реакции, вели Дипти Гурдасани, клинички епидемиолог од универзитетот Квин Мери во Лондон. Пеги Ризе од Центарот за инфективни истражувања Хелмхолц во Брауншвајг наведува дека делта сојот доведува до поголемо вирусно оптоварување, на пример, во грлото, пишува „Дојче Веле“.
„Поради мутацијата, имунолошкиот систем потешко ја препознава болеста“
Кога вирусот мутира во варијанта која е поотпорна на антитела настанати од прележана болест или вакцина, тоа се нарекува „затајување на имунитет“ или бегство од имунитет. Така луѓето можат да се заразат, па дури и да се разболат, и покрај вакцината или прележаната болест.
Делта сојот од една страна е позаразен, а од друга страна, има и особина на „затајување на имунитет“. „Мутацијата ја намалува ефикасноста на некои антитела, а со тоа и способноста на имунолошкиот систем да ја препознае болеста“, вели имунологот Георг Беренс, професор на Медицинскиот факултет во Хановер. „Но, тоа сè уште не е вистинско затајување на имунитетот, тоа би се покажало многу појасно“, објаснува Пеги Ризе.
Сето ова значи дека мутацијата не е толку силна што постојните вакцини би биле бескорисни. Напротив, истражувањата покажуваат дека делта сојот, всушност е нешто поотпорен на вакцините, но дека целосната вакцинација обезбедува исклучително силна заштита од таа варијанта. Сепак, производителите како Фајзер/Бионтек работат на нова верзија на вакцината, која би била уште поефикасна против делта сојот.
Истражувањата покажуваат дека делта сојот, всушност е нешто поотпорен на вакцините, но дека целосната вакцинација обезбедува исклучително силна заштита од таа варијанта. Сепак, производителите како Фајзер/Бионтек работат на нова верзија на вакцината, која би била уште поефикасна против делта сојот
Според израелското Министерство за здравство, ефикасноста на вакцината Фајзер е намалена поради т.н. делта варијанта: сега спречува само 64 проценти од инфекциите. Заштитата од тешки форми на Ковид-19 и понатаму останува висока.
Дали вакцината е причина за мутациите на вирусот?
Вирологот Фридман Вебер од Универзитетот во Гисен вели дека мутациите не ги овозможуваат вакцинираните, туку невакцинираните лица. „Токму кај инфицираните луѓе се создаде нов сој како бегство од имунитет“. Овој германски експерт укажува на искуствата во Индија, Бразил и Јужна Африка, каде што настанале актуелните мутации, а стапката на вакцинација е екстремно ниска.
Според израелското Министерство за здравство, ефикасноста на вакцината Фајзер е намалена поради т.н. делта варијанта: сега спречува само 64 проценти од инфекциите. Заштитата од тешки форми на Ковид-19 и понатаму останува висока
Вирусот бил многу распространет во времето на настанување на мутацијата. Вебер вели дека вирусот го користи токму ослабениот одбранбен систем на организмот како би се прилагодил.
Покрај тоа, ако тезата дека вакцините предизвикуваат мутации е точна, тогаш би требало да се појават нови видови на вирус во земјите кои имаат голем број вакцинирани, на пример, во Израел или Велика Британија. „Ова воопшто не е случај. Мутациите на вирусот се појавуваат токму во земјите каде што сè уште нема голем процент на вакцинирани и каде има многу луѓе на мал простор“, објаснува Пеги Ризе.
Георг Беренс вели дека теоретски постои можност вакцината да врши имунолошки притисок врз вирусот и тој потоа да се обидува да го избегне тој притисок со мутации. Тој додава дека вирусот во моментов наидува на само делумно вакцинирана популација, така што некои имаат имунолошки одговор, а други немаат и тие можат да се заразат. „Тоа е она што го сака вирусот, а потоа можат да настанат и други соеви. Така вирусот се тренира“, вели Беренс.
Делта сојот се појавил пред вакцинацијата
Генерално, вакцината многу ретко може да доведе до мутации и да промовира ширење на нов сој. Многу е поверојатно да се појават опасни мутации таму каде што вирусот може да се шири непречено и брзо.
И што е тогаш со делта варијантата?
Исклучено е дека делта сојот потекнува од вакцините. Имено, оваа мутација е забележана за прв пат уште во октомври 2020 година во индиската држава Махараштра. А дури во јануари 2021 година во Индија беа вакцинирани првите граѓани – три месеци по појавата на делта сојот. (Дојче Веле)
