За разлика од минатите варијанти кои ги заобиколија децата, актуелната делта варијанта не ги избира своите жртви, така што и децата под 12 години се во опасност. Од почетокот на овој месец, во САД се пријавени околу 94.000 случаи на инфекции кај деца.
- „Делта варијантата е многу позаразна, па затоа и се јавува почесто кај децата“, објаснува д-р Пол Офит, директор на Центарот за заразни болести, Филаделфија
Според Американскиот центар за контрола и превенција на болести, станува збор за двојно позаразна варијанта која може да предизвика поопасни симптоми кај луѓе кои не се вакцинирани, а бидејќи повеќето деца не се вакцинирани, спаѓаат во ризична група. Како да ја препознаете делта варијантата кај децата?
Се уште е рано за да се процени која е разликата во симптомите, но од Универзитетот Јеил известуваат дека кашлицата и губењето на мирисот се ретки, додека главоболките, болките во грлото, течење на носот и треската и понатаму се главни симптоми. „Прерано е сега да се зборува се додека не се видат резултатите од висококвалитетни студии“, додава д-р Мајкл Гросо, шеф на педијатрија во болницата Хантингтон.
Ако вашето дете е позитивно на Ковид-19, треба да оди во изолација и карантин се додека симптомите не се повлечат. Родителите дефинитивно мора да внимаваат на проблеми со дишењето, внес на течности, но и општа состојба бидејќи родителот најдобро ќе препознае дека детето не е добро
„Најчестите симптоми кај децата и тинејџерите се кашлица, течење на носот, гастроентеролошки нарушувања, некогаш се јавува и осип…“, додава Гросо. Пред делта сојот, Ковид-19 немаше симптоми кај децата, но сега се се промени. Гросо вели дека без разлика која варијанта во моментов е доминантна, родителите мора да бидат свесни и за другите состојби што Ковид-19 може да ги предизвика кај младите луѓе.
Мултисистемски инфламаторен синдром (MIS-C)
Една од сериозните болести е секако мултисистемскиот инфламаторен синдром (MIS-C), кај децата тоа е состојба кога различни делови од телото се зафатени од воспаление, а тоа се однесува на белите дробови, срцето, бубрезите, кожата, очите и гастроентеролошките органи. Секако е важно веднаш да контактирате лекар, медицинска сестра или болница ако забележите некои од овие симптоми кај детето:
- треска
- болка во пределот на стомакот
- повраќање
- дијареја
- болка во вратот
- осип
- црвенило на окото
- јак замор
- низок крвен притисок
Кога треба детето да се тестира за Ковид?
Ако забележите дека има симптоми кои укажуваат на проблеми со горниот респираторен систем, задолжително нека се тестира. Исто така, горенаведените симптоми значат дека треба итно да се јавите на лекар, а тоа особено се однесува на децата кои се враќаат на училиште.
Според Офит, ако вашето дете е позитивно на Ковид-19, треба да оди во изолација и карантин се додека симптомите не се повлечат. Тој додава дека по позитивниот тест ако децата не мора да одат во болница, родителите дефинитивно мора да внимаваат на проблеми со дишењето, внес на течности, но и општа состојба бидејќи родителот најдобро ќе препознае дека детето не е добро. Исто така, добра идеја е да се носат маски и да се вентилира просторот во кој живеат.
„Обрнете внимание на хигиената, бришете ги површините каде што може да се задржи вирусот, а децата кои се квалификуваат би требало и да се вакцинираат“, заклучува Гросо. (Healthline)
