Повеќето хоспитализирани поради Ковид-19 во САД се невакцинирани. Кај нив, исто така, е поголем и ризикот од развој на потешки симптоми како отежнато дишење и постојана болка или притисок во градите.
- Делта варијантата е дупло позаразна од претходните, поточно, заразна е исто колку и сипаниците. Покрај тоа, брзо се реплицира во телото и кај заразените во носот и грлото се наоѓаат поголеми количини на вирус
Д-р Ендрју Т. Чан, епидемиолог и лекар во болницата во Масачусетс е еден од истражувачите во студијата која се занимава со симптомите на Ковид-19. За време на истражувањето, следел милиони заразени во САД, Велика Британија и Шведска, кои преку апликација самите ги внесувале симптомите што ги чувствуваат по инфекцијата.
Резултатите, кои сè уште не се рецензирани, сугерираат дека вакцинираните лица се добро заштитени од делта варијантата и дека кај нив се развиваат многу благи симптоми, а и побрзо го преболуваат коронавирусот. Д-р Чан истакнува дека симптомите по инфекцијата со делта варијантата се разликуваат од досега пријавените.
„Меѓу вакцинираните возрасни сега гледаме симптоми кои се послични на обична настинка. Луѓето сѐ уште пријавуваат кашлица, но се повеќе се јавува и течење на носот и кивање. Се уште се жалат и на главоболка и болки во грлото, а се помалку се јавува покачена температура и губење на мирисот и вкусот“, вели д-р Чен за „Њујорк тајмс“.
