Ги користите ли можностите додека детето спие, гледани цртани филмови, игра или учи во неговата соба? Но, што ако се разбуди, му стане здодевно или треба нешто итно да ве праша?
Дознајте како реагираат децата во зависност од возраста кога ќе ги фатат родителите на дело и што вие тогаш би можеле да направите.
Важно е како ќе се поставите и ќе му објасните на детето што се случува. Но, пред било што да кажете, проценете што детето точно слушнало, видело и дали воопшто го интересира што се случило.
“Наместо да викате, панично да ја барате облеката или да трчате во бањата, останете смирени. Така нема да го исплашите детето со вашите непромислени реакции. Смирено прашајте го дали му треба нешто или кажете му дека на мама и тато им треба малку време да самите себе и да не се плаши. Тоа во голема мера ќе помогне да се спречат стравот и анксиозноста кај детето“, советува клиничкиот психолог Аза Браун.
Точните одговори зависат и од возраста на детето.
Бебе: Не грижете ако е во собата
Многу семејства спијат во кревет заедно со бебињата или креветчето на бебето е во иста просторија. Психотерапевтката Џенифер Напарстек Клајн вели: “Нема ништо штетно во тоа родителите да искажуваат љубов во близина на бебето кога тоа спие или е покрај низ фокусирано на нешто друго. Бебињата не можат да разберат што прават родителите, па затоа не им е важно“.
Деца во градинка: Малите деца може да се исплашат
Помалите деца може да се исплашат од звуците што ги слушнале, па можете да ги уверите дека се е во ред. Не ги лажете, објаснете им дека мама и тато се гушкале на посебен начин, како што се гушкаат само возрасните кои се заљубени. Кажете дека никој не е повреден, и на тоа застанете ако детето нема повеќе прашања.
Училишна возраст: Децата на овие години се љубопитни
Децата на оваа возраст се љубопитни, ги интересира сексуалниот однос, а во исто време не сакаат да зборуваат за тоа. Психологот Браун вели дека момчињата веќе на 10 години се биле изложени на порнографија. Според студиите, ако детето ги фати родителите на дело, тоа нема да му ја разбуди љубопитноста колку што е изложувањето на телевизија и медиумите каде што може да види таква содржина. Оваа возраст моежби и е вистинско време да го научите вашето дете да ги почитува туѓите граници и приватноста. Што веројатно и самото ќе го заклучи после вакво искуство.
Тинејџери: Попрво ќе го игнорираат овој настан
Општото чувство што се јавува кај тинејџерите во оваа ситуација е гадење. Тие се чувствуваат чудно од самата помисла дека нивните родители имаат секс, а кога ќе бидат сведоци на тоа, повеќе би сакале да го игнорираат настанот. Родителите мора јасно да објаснат дека сексот е нормална работа што се случува меѓу паровите и дека нема причина за гадење. Исто така, ова станува идеална можност да разговарате за контрацепција и безбеден секс со вашиот тинејџер.
