Според новите податоци, дијабетесот кој го развиваат пациенти со тешка форма на болеста Ковид-19 за време на хоспитализација може да биде само привремен, а нивото на шеќер во крвта може да се врати во нормала по закрепнувањето.
Научниците спровеле истражување на 594 пациенти кои покажале знаци на дијабетес откако биле хоспитализирани поради Ковид-19, вклучувајќи 78 без претходна дијагноза на дијабетес.
На овие пациенти им е потребен инсулин и други лекови само кратко време, поради што е исклучително важно лекарите внимателно да го следат текот на болеста за да утврдат дали и во кој момент нивната состојба ќе се подобри
Поблаги проблеми со нивото на шеќерот во крвта, но потешка форма на Ковид биле забележани кај многу пациенти на кои им бил дијагностициран дијабетес за време на хоспитализацијата, во споредба со пациентите кои претходно имале дијабетес.
Научниците објавија во часописот „Journal of Diabetes and Its Complications“ дека кај 40 проценти од пациентите на кои им бил дијагностициран дијабетес за време на хоспитализацијата, една година подоцна, нивото на шеќер во крвта им паднало под границата за дијагноза. „Овие резултати сугерираат дека новодијагностицираниот дијабетес може да биде минлива состојба поврзана со акутен стрес предизвикан од инфекција со коронавирус“, рече д-р Сара Кромер од Општата болница Масачусетс во Бостон.
„Резултатите од нашата студија укажуваат дека појавата на дефицит на инсулин, доколку воопшто дојде до неа, не е трајна“, рече Кромер.
„На овие пациенти им е потребен инсулин и други лекови само кратко време, поради што е исклучително важно лекарите внимателно да го следат текот на болеста за да утврдат дали и во кој момент нивната состојба ќе се подобри“.
