Експертите на „АстраЗенека“ веруваат дека вакцината на британско-шведската компанија е ефикасна против новите варијанти на коронавирус, беше објавено денеска, на денот кога новата голема студија покажа дека оваа вакцина е 79 проценти ефикасна во спречување на болеста и апсолутно ефикасна во спречување на тешките заболувања.
По вакцинацијата, истражувачите забележале реакции како што се: болка на местото на инјектирање, главоболка, замор, грозница, треска и болка во мускулите
Третата фаза на клинички испитувања во САД, спроведена на 32,4 илјади испитаници во САД, Чиле и Перу, покажала дека вакцината „АстраЗенека“ е ефикасна во 79 проценти од случаите, и 80 проценти кај постарите од 65 години. Истражувањата исто така покажале и дека вакцината е потполно ефикасна против развивање на тешки форми на Ковид-19.
Вакцината била администрирана во две дози, со разлика од четири недели.
Извршниот потпретседател на „АстраЗенека“ за истражување и развој Мене Пангалос на виртуелна прес-конференција истакна дека истражувањето е спроведено кога веќе биле во оптек новите варијанти на коронавирусот, што сугерира дека тие исто така биле вклучени во тестирањето.
„Мислам дека вакцината ќе биде ефикасна против сите варијанти“, рече Пангалос, додавајќи дека понатамошните истражувања се во тек.
Ен Фалси, професор на Универзитетот во Рочестер, која беше ко-предводник на истражувањето во САД, исто така рече дека е оптимист за ефикасноста на вакцината врз новите варијанти.
- Студијата исто така покажала дека вакцината „АстраЗенека“ е безбедна и не носи зголемен ризик од тромбоза, што предизвика голем број европски земји привремено да ја прекинат вакцинацијата минатата недела.
По вакцинацијата, истражувачите забележале реакции како што се: болка на местото на инјектирање, главоболка, замор, грозница, треска и болка во мускулите.
