Центарот за контрола и превенција на болести на САД откри дека е поверојатно дека бремените жени ќе бидат примени на одделот за интензивна нега и дека ќе бидат ставени на респиратор.
Меѓутоа, експертите од оваа институција наведуваат дека трудниците немаат поголем ризик од смртен исход, и додаваат дека се уште нема податоци за тоа како КОВИД-19 влијае на исходот на тие бремености.
Редфилд вели дека зголемените инфекции меѓу младите може делумно да се препише на порастот на дијагностицирања на болеста во таа група, која има помала веројатност за хоспитализација од повозрасните лица.
CDC би можел да ја искористи социјалната мрежа Тик Ток за испраќање предупредувања до младите да одржуваат физичка дистанца, да носат заштитни маски и да избегнуваат масовни собирања.
“ Најзагрозени се лицата со сериозни кардиоваскуларни и бубрежни болести, хронична опструктивна болест на белите дробови, лица со прекумерна телесна тежина, оние кои имаат болест на српестите клетки, кои биле подложени на трансплантација на органи или имаат дијабетес тип 2. Исто така се загрозени, но помалку, и лицата со висок крвен притисок“, вели Редфилд.
