До денес, поради болеста КОВИД-19 починати се над 473.000 лица, но лекарите секојдневно учат нови работи за оваа болест која може да доведе до смртен исход.
Претходни истражувања покажале дека кај околу 50 проценти од лицата кои починале поради оваа болест, се развила и секундарна бактериска или габична инфекција, од кои некои се отпорни на антибиотици. Лекарите и не се премногу изненадени од појавата на секундарни инфекции, оти често се јавуваат како “нуспојава“ на вирусните инфекции, како грипот.
Се случува да околу 50 проценти од пациентите со КОВИД-19 добијат и нова инфекција, отпорна на антибиотици, па тие едноставно не делуваат, наведува д-р Кори Детвилер, микробиолог на Универзитетот Колорадо.
ЗОШТО ДОАЃА ДО ИНФЕКЦИЈА?
Лицата кои подолго време се хоспитализирани на интензивна нега во болница, како пациенти кои имаат КОВИД-19, едноставно се посклони кон развој на секундарни инфекции.
Д-р Метју Грант, специјалист за болести на Универзитетот Јеил смета дека за тоа постојат причини:
“ Прв случај е состојба која се нарекува воспаление на белите дробови поврзано со механичката вентилација (VAP: ventilator-associated pneumonia), кога опасни бактерии може да стигнат до белите дробови поради делот на вентилаторот кој влегува низ грлото“.
Пациентите на кои им е дијагностициран КОВИД-19 се почувствителни и на други бројни инфекции како оние на уринарниот тракт…тука се и стероидите кои се користат за лекување на лицата кои имаат опасни симптоми, а може да предизвикаат секундарни инфекции, додава д-р Грант.
КАКО СЕКУНДАРНАТА ИНФЕКЦИЈА ДЕЛУВА НА ЗАБОЛЕНИТЕ?
Пациентите доживуваат големи оштетувања на белите дробови, поради што се поподложни на влијанието на опасните патогени, кои се лесно решливи за здрави лица со помош на имуниот систем, појаснува д-р Кори Детвилер и додава:
“Ако сте навистина болни, имуниот систем не е доволно силен да се ослободи од патогените кои се наоѓаат насекаде, во домот, во автомобилот…“.
Кај пациентите кои имаат КОВИД-19, се случува еден феномен наречен “цитокинска олуја“, а се работи за претеран одговор на имуниот систем кој резултира со воспалителни промени, а секундарните воспаленија таа појава дополнително ја влошуваат, оти така се уништуваат и здравите клетки. Имуниот систем станува се помалку ефикасеен кога е премногу активен подолго време.
Д-р Детвилер смета дека лицата кои лицата кои се занимаваат со микробиологија, превиделе дека ќе се зголеми бројот на отпорности на лекови кај бактериите кои предизвикуваат секундарни инфекции. Потребно е да се развојат нови лекови кои може да помогнат во борбата против отпорните бактерии.
