Кога децата или некој друг ги прашува своите родители кое дете го сакаат најмногу, тие како од топ одговараат дека ги сакаат сите подеднакво. Дури ни бабите, дедовците, тетките, чичковците и другите никогаш нема да признаат дека имаат миленик во семејството.
Сепак, научниците сега го открија одговорот на познатото прашање кое е омилено дете во семејството, а одговорот тешко дека ќе ве изненади.
Судејќи според истражувањето, детето што сите тајно го сакаат најмногу е најмладото.
Студија спроведена во 2017 година во училиштето за семеен живот „Бригам Јанг“ го анализирала однесувањето на родителите кон своите деца и дали мајките и татковците навистина имаат миленик, какви хиерархии се формираат во семејствата.
Во студијата учествувале речиси 300 семејства кои имале најмалку двајца тинејџери, кои одговарале за нивните меѓусебни односи. Како што се испоставило, најмалото дете во семејството е главно омилено на сите, а не поради нешто што прави.
Истражувачите ги прашале родителите како се чувствуваат во врска со секое од нивните деца, а потоа ги прашале и најмалите. Ако најмалото дете одговорило дека верува дека е омилено во семејството, се покажало и дека има подобар однос со своите родители, поради што е миленик. Ако родителите дале различен одговор, тогаш нивниот меѓусебен однос не бил толку добар.
Да се биде омилено дете е прашање на перцепција, и како што е наведено во студијата, „перцепцијата на децата за тоа дека се фаворизирани од нивните родители предвидува помалку конфликти и повеќе топлина отколку кај мајките и татковците“.
Професорката по психологија д-р Кетрин Салмон истакнува дека најмладите деца во семејството се перцепираат и како најзабавни и најдружељубиви, и дека родителите обично се поблаги кон нив, не поставуваат толку строги правила за нив како за првото дете.
