Според главниот научник на Светската здравствена организација, Сума Сваминатан децата се изложени на многу мал ризик да се заразат со новиот коронавирус.
Таа за Би-Би-Си изјави дека се повеќе земји ја разгледуваат можноста за отворање на училиштата и досегашното искуство на оние кои тоа веќе го направиле, се чини охрабрувачко.
“Она кое го видовме во земјите каде училиштата останаа отворени е дека немаше големи жаришта во училиштата, а и тамо каде имаше, тие често се поврзуваат со случувања на кои се собирале голем број луѓе, е не со обичните училници“, вели Сваминатан.
Прашана за реткиот инфламаторен синдром кој се поврзува со коронавирусот кај мал број деца, таа вели дека се потребни повеќе истражувања за тој синдром подобро да се разбере.
“Не е баш јасно каква е врската помеѓу КОВИД-19 и тој синдром. Има некои деца кои се позитивни на вирусот, и некои кои не се“, истакна таа, додавајќи дека СЗО бара податоци од лекарите ширум светот за синдромот за истиот подобро да го разбере.
Околу 230 деца во Европа досега се заболени од овој нов синдром на воспаление кој се поврзува со КОВИД-19, но и со Кавасаки болеста, а од кој досега две деца се починати, соопшти претходно Европскиот центар за контрола и превенција на болести.
