Секоја година децата се главни преносители на вирусите кои предизвикуваат грип и настинка. Поради тоа, сосема беше разумно да се очекува дека истото ќе се случи и со новиот коронавирус. Но, неколку месеци подоцна стручњаците за респираторни болести се уште се обидуваат да го сфатат неговиот ефект на децата и нивната способност за ширење на заразата.
Денес е јасно дека децата, особено помладите, не се разболуваат како возрасните и дека ретко умираат од КОВИД-19. Метаанализа на постоечките студии проучила 550 случаи меѓу деца помлади од 18 години во Кина, Италија и во Шпанија; откриено е дека само девет деца имале тежок или критичен случај на КОВИД-19, а само едно дете починало. Но, многумина и натаму стравуваат од есента и можното, но очекувано враќање на децата во училишните клупи.
Тина Хартрт од Медицинската школа на Вандербилт води шестмесечно истражување на секои две седмици, почнувајќи од 1 јули и ќе опфати 1951 семејство.Семејствата живеат претежно во урбани области како Чикаго, Њујорк и Денвер, но студијата вклучува и семејства од руралниот Висконсин. Целта е да се регистрираат инфекциите и да се следат обрасците на пренесување.
Досегашните истражувања понудија и понекогаш целосно спротивствени одговори на основните прашања за КОВИД-19 и децата.
Во мајско истражување анализирани биле податоци за повеќе од 600 лица во два кинески града: Вухан и Шангај. Од овој, релативно мал примерок, заклучено е дека децата имаат третина шанса да се заразат како возрасните. Од друга страна, децата има три пати поголема шанса да се заразат додека училиштата биле отворени, што ја поништило таа разлика.
Неодамнешна студија на Лондонската школа за хигиена и тропска медицина користела податоци од Кина, Италија, Јапонија, Сингапур, Канада и Јужна Кореја. Откриено е дека помладите од 20 години имаат половина помала шанса да се разболат, отколку возрасните. Но, забележани се и разлики по земјите и по возрасните групи.
Според последните податоци, во Англија се воочени мали разлики во стапките на зараза кај децата и возрасните. Николас Дејвид, епидемилог и автор на студијата, вели дека врската помеѓу децата и КОВИД-19 останува обвиена со мистерија.
Фактот дека децата почесто не покажуваат симптоми, дополнително ја комплицира состојбата. Но, нови студии и историјата на другите коронавируси упатуваат на тоа дека и децата можат да го шират вирусот. Но…
Истражување од минатиот месец во Јужна Кореја за 5706 заразени лица и нивните 59.073 контакти покажало дека децата помлади од 10 годинипоретко ја пренесуваат заразата, додека оние постарите го прават тоа како и возрасните.
Но, постојат докази дека и децата, вклучувајќи ги и оние без симптоми, може да ја шират заразата. Во Берлин биле тестирани над 3.700 пациенти, меѓу кои и 127 лица помлади од 20 години. Студијата открила дека децата имале исто вирусно оптоварување како возрасните.
Во Израел пак, бројот на нови случаи се зголемил од 50 заразени дневно (кога училиштата биле затворени) на над 1500 откако биле отворени. Притоа се заразиле најмалку 1335 ученици и 690 просветни работници.
Прелиминарните резултати од студијата на професор Јанг Јанг на Универзитетот за јавно здравје на Флорида, откриваат дека децата ги инфицираат возрасните, особено во исти домаќинства.
Според проф. Џефри Шаман, експерт за заразни болести на Универзитетот Колумбија, во моментов е невозможно да се добие јасна слика за ефектите на КОВИД-19 на децата. И неговиот колега, проф. Дерек Кумингс од Универзитетот на Флорида не верува на доказите дека децата помалку ја пренесуваат заразата.
“Секој друг коронавирус ги заразува и децата и се пренесува меѓу децата. Зошто би претпоставувале дека овој коронавирус не го прави тоа“, се прашува проф, Кумингс. Одговор се уште нема.
