Истражувањето е спроведено во повеќе земји во светот во време на ширење на изворните варијанти на коронавирусот, па моментално нема детални информации за тоа каков е процентот во време на ширење на делта и омикрон варијантите.
Асимптоматски случаи најчесто се забележани помеѓу бремените жени, над 54 проценти од нив не покажувале никакви знаци на зараза. Неучниците не шпекулираат која може да биде причината за тоа, но напоменуваат дека идните мајки можеби ќе се тестираат почесто од останатите лица.
ТРУДНИЦИТЕ “ТИВКИ ПРЕНОСИТЕЛИ“
Бремените жени биле наречени тикви преносители. Во истражувањето се наведува дека вирусот кај трудниците можно е да се утврди само со опсежно тестирање и следење на блиските контакти.
Освен меѓу трудниците (54,1%), поголем процент на асимптоматски инфекции забележан е меѓу вработени кои работат со патници во авиони или на крузери (52,9%), како и меѓу штитеници и лица кои работат во домови за стари и немоќни (47,5%).
Заразените на возраст до 20 години дури во 60,2 процеенти од случаевите биле асимптоматски, а речиси половина од заразените на возраст од 20 до 39 години немале никакви знаци на заболување со КОВИД-19.
Иако без симптоми, заразените и понатаму може да го шират коронавирусот на други лица и да бидат извор на инфекција во рамките на заедницата во која се движат. Како главни симптоми во студијата се наведуваат треска, кашлица и губење на сетилото за мирис и вкус.
