Бебињата учат јазик и звуци и пред да се родат, благодарение на мајките кои разговараат со нив, додека се се уште во стомакот. Според истражувањата, новороденчето може да препознае гласови кои ги слушало во текот на третото тромесечие и секако, го преферира мајчиниот глас повеќе од гласот на непознато лице. И додека мајките и бебињата од самиот почеток воспоставуваат црвста поврзаност, татковците исто така играат важна улога кога е во прашање развојот на говор кај бебето.
Истражување спроведено на Универзитет во Кина, открило како двајцата родители влијаат на начинот на кој бебето учи нов јазик, но подрачјата на јазикот кои ги учат, се разликуваат кај секој родител.
Авторот на истражување, Менгхман Занг открила дека бебињата го прилагодуваат изговорот и гласот од мајката, но речникот го стекнуваат од таткото. Истражувањето покажало дека постои силна поврзаност помеѓу татковите гени и лексичките карактеристики, и помеѓу мајчините гени и фонемските карактеристики.
