Спиењето во текот на денот трае неколку часа или помалку, но може да влијае на целокупниот ден на детето. Попладневниот сон може да го подобри расположението, да ја намали нервозата, плачењето и испадите на бес.
Истражувањата покажуваат дека децата кои спијат во текот на денот поретко се разболуваат, растат повисоки и помала е веројатноста да бидат обезни кога ќе пораснат. Исто така, попладневното спиење го подобрува развојот на мозокот и концентрацијата.
За жал, постојат бројни причини поради кои детето не сака попладне да заспие. Дури кога ќе ги сфатите причините, може да направите план како да го надминете отпорот. Елизабет Пантли, стручњак за родителство и мајка на четири деца, предочува некои од причините поради кои детето не сака да заспие и предлози за решавање на тие проблеми:
- Детето го надраснало досегашниот распоред на спиење
Размислете за промени во животот на детето, за неговиот раст и развој. Дали научило да лази, почнало да јаде и цврста храна или почнало во јасли? Секоја промена може да влијае на причините за неспиење. Набљудувајте го детето и следете ги знаците на замор и на таа основа прилагодете го распоредот.
- Распоредот на спиење не одговара на биолошкиот часовник на детето
Времето на спиење, времето на оброци, прошетка и сите активности може да влијаат на биолошкиот часовник на детето. Несоодветниот распоред на активности (хранење, играње пред спиење) може лошо да влије на ритамот.
- Недоследност во распоредот на спиење
За време на работната недела, спиењето и будењето се специфични, но за викендите се е поопуштено. И други недоследности исто така може да го пореметат спиењето, како на пример ако детето во градинка спие подолго време во споредба со тоа кога е дома. Создадете распоред и обидете се да држите до некое отстапување во рамки на половина час.
- Детето е преуморно пред спиење
Ако ги пропуштите знаци на замор и времето во кое детето вообичаено оди на спиење, неговото расположение ќе прерасне во плачење, нервоза и изливи на бес. Споредете го утринското однесување кога детето е одморено со оние по вечерата и научете се да ги препознавате знаците на замор. Целта е да го ставите детето да се одмори попладне штом ги покажува првите знаци на замор.
