Новородените бебиња требаат постојана грижа, 24 часа на ден, седум дена во неделата. За да се преживее ова исцрпувачко поглавје од родителското патување, УНИЦЕФ има корисни совети и препораки за грижата околу бебето преку ноќ.
Бебето треба да спие со родителите во соба првите шест месеци
Очекувајте дека нема да бидете наспиени кога од породилиштето со бебето ќе дојдете дома. Новородените бебиња често се будат и бараат храна, преку ден и ноќ. За време на ноќта бебето најчесто се храни еднаш до три пати. На почетокот треба време да се навикнете, но постојат некои начини кои ќе ви помогнат побрзо да се навикнете. УНИЦЕФ советува бебешкото креветче да биде во спалната соба, барем првите шест месеци. На тој начин побрзо може да се реагира на потребите на бебето. Целта е родителите да се научат да го препознаваат цимолењето пред да се претвори во вистински плач, кога и е потешко да се смири бебето. Исто така, на овој начин се намалува и ризикот од ненадејна смрт кај доенчињата.
Ставете го бебето во креветче кога е мирно, а не кога е нервозно или веќе спие
Ставете го бебето да спие додека е се уште будно – предизвик за секој нов родител. За да одењето на спиење го направите “побезболно“ воспоставете рутина. Рутината ќе помогне да се смири бебето и побрзо да заспие. Лекарите советуваат да се проба со топла купка, нежна масажа и приспивна песна за добра ноќ. Најважно е да бидете доследни во рутината што ја користите. После тоа, бебето веќе ќе почне да ги затвора очите. Клучна работа е да не чекате бебето цврсто за заспие во вашата прегратка пред го ставите во креветчето. Со тоа, појаснуваат експертите на УНИЦЕФ ризикувате повторно будење на детето, а кога ќе се разбуди, последно на кое се сеќава е опуштеноста во прегратката. Поради тоа, повторно ќе ја бара истата ситуација за да заспие и со тоа влегувате во маѓепсан круг.
Научете да ги препознавате раните знаци на глад кај бебето
Тоа ќе ви помогне побрзо да го смирите бебето во текот на ноќта и на тој начин ќе го намалите времето кога сте будни. Неколку очигледни знаци вклучуваат, цицање на прст, немир и звуци на мрморење. Кога еднаш ќе ги забележите можете да се обидете да го нахраните бебето за да го смирите и повторно да го успиете. За време на хранењето, не го вознемирувајте бебето. Светлото нека биде пригушено, намалете ги звуците, зборувајте тивко.
Направете го ноќното хранење полесно
Ако доите, обидете се да најдете наудобна положба од самиот почеток. На тој начин ноќното хранење ќе го направите поедноставно и ќе можете да одморате и кога сте будни. “Положбата во која лежите на страна е совршена за хранење во текот на ноќта“, објаснува д-р Џејми Кумпас, педијатар и советник за доење.
Доколку го храните бебето со шише, бидете организирани. Не можете формулата да ја подготвите однапред, но можете да имате подготвена мерица за прав и подготвена вода. Држете се до препораките на својот лекар.
“Никогаш не го форсирајте бебето да јаде повеќе од што е потребно, во надеж дека ќе спие подолго. На тој начин може да поттикнете колики и долгорочно гледано – ќе доведе до проблеми со прекумерната тежина“, предупредуваат експертите на УНИЦЕФ.
Бидете подготвени на стратегија на смирување
Ќе има моменти кога бебето ќе биде нервозно, дури и по хранењето. Ако сте ги провериле можните причини (како валкана пелена), многу веројатно е дека станува збор за наоѓање начин да повторно се чувствува пријатно. На мајките кои дојат им се советува повторно да му понудат млеко на бебето, и покрај тоа што само што доеле.
“Бебето цицањето го сфаќаат како утеха и не постои страв од претерано доење на бебето“, сметаат од УНИЦЕФ. Може да се обидете да го лулате бебето, нежно да го тапкате или кратко да го носите во прегратка. Ова може да претставува иделна можност за зближување со таткото.
