Синтетичките хемикалии наречени фталати го оштетуваат развојот на мозокот кај децата и затоа мора веднаш да се забранат во производите за широка потрошувачка, апелираат група на научници и здравствени работници од Проектот ТЕНДР.
Проектот ТЕНДР, кој се залага за таргетирање на невро-развојни ризици од средината, е група на волонтери научници, здравствени работници и детски застапници кои работат на проучување и намалување на изложеноста на децата на невротоксични хемикалии и загадувачи.
„Она што сакаме да го постигнеме е да ја придвижиме јавната здравствена заедница, вклучително и регулаторите, кон оваа цел – елиминирање на фталатите“, рече водечката авторка Стефани Енгел.
Фталатите се наоѓаат во стотици работи дома, храна и предмети за лична нега: пакувања на храна, детергенти, облека, мебел и туш завеси, автомобилска пластика, лубрикантни масла и лепила, производи отпорни на дожд и дамки и голем број производи, вклучително и шампони, сапуни, лак за коса, лак за нокти, во кои фталатите прават мирисите да траат подолго
„Имаме доволно докази сега за да бидеме загрижени за ризиците од влијанието на овие хемикалии врз вниманието, учењето и нарушувањата во однесувањето кај детето“, рече Енгел, професор по епидемиологија на Универзитетот во Северна Каролина на Chapel Hill Gillings School of Global Public Health.
„Се надевам дека овој труд ќе делува како повик за будење за да разбереме дека раната изложеност на оваа класа на хемикалии влијае врз нашите деца“, рече токсикологот Линда Бирнбаум, поранешна директорка на National Institute for Environmental Health Sciences, како и Националната програма за токсикологија. Таа не беше вклучена во трудот.
Фталатите мора да бидат наведени меѓу состојките на етикетите на производите, освен ако не се додадени како дел од мирисот. Според сегашните регулативи на Управата за храна и лекови на САД, фталатите можат едноставно да бидат етикетирани како „мирис“, иако може да бидат дури и 20% од производот, велат студиите
„Кога имате ист вид на наоди кои се повторуваат во повеќе популации, направени од различни истражувачи со употреба на различни алатки и пристапи и постојано продолжувате да излегувате со ист наод, мислам дека можете да почнете да кажувате дека податоците се прилично јасни“, рече Бирнбаум.
Си-Ен-Ен побара коментар од трговското здружение „American Chemistry Council“.
„Иако сме охрабрени од постојаните истражувачки напори, ние сме загрижени за прекумерното толкување на студиите кои не воспоставија каузална врска помеѓу фталатите и негативните ефекти врз здравјето на луѓето“, рече Ејлин Конели, директор на оддел за хемиски производи и технологија на ACC.
„Насекаде хемикалии“
Наречени „насекаде хемикалии“ бидејќи се многу чести, фталатите се додаваат на производите за широка потрошувачка за да ја направат пластиката пофлексибилна и потешка за кршење.
Фталатите се наоѓаат во стотици работи дома, храна и предмети за лична нега: пакувања на храна, детергенти, облека, мебел и туш завеси, автомобилска пластика, лубрикантни масла и лепила, производи отпорни на дожд и дамки и голем број производи, вклучително и шампони, сапуни, лак за коса, лак за нокти, во кои фталатите прават мирисите да траат подолго.
Фталатите мора да бидат наведени меѓу состојките на етикетите на производите, освен ако не се додадени како дел од мирисот. Според сегашните регулативи на Управата за храна и лекови на САД, фталатите можат едноставно да бидат етикетирани како „мирис“, иако може да бидат дури и 20% од производот, велат студиите.
Фталатите исто така се наоѓаат и во ПВЦ водовод и градежни производи и предмети како што се медицински цевки, градинарски црева и некои детски играчки. На глобално ниво, годишно се трошат приближно 8,4 милиони метрички тони на фталати и други пластификатори, според European Plasticizers, индустриско трговско здружение.
Студиите ги поврзуваат фталатите со детската обезност, астма, кардиоваскуларни проблеми, карцином и репродуктивни проблеми како што се малформации на гениталиите и неспуштени тестиси кај момчињата и низок број на сперматозоиди и нивоа на тестостерон кај возрасните мажи. (Си-Ен-Ен)
