Откако Дара Филдс на Твитер објави дека во Берлин има итна служба за бебиња кои плачат, не е тешко да се заклучи зошто многумина им љубоморат на жителите на германската престолнина.
„Во Берлин постои амбуланта за бебиња кои плачат. Ако вашето бебе плаче премногу, а вие сте исцрпени, доаѓаат кај вас, ја проверуваат вашата емоционална состојба и ви даваат совети“, напиша Филдс.
Освен во Германија, услугата „Schreibaby Ambulanz“, која во превод значи „Амбуланта за бебиња кои плачат“, е достапна и во Австрија, Швајцарија и Луксембург. Целта е на новите мајки да им се понуди кризна поддршка во моментите на очај, страв и исцрпеност кои често ги чувствуваат додека го балансираат сопственото физичко закрепнување со новороденчето што плаче.
- Кога ќе пристигне итната помош за бебиња кои плачат, на родителите им се нуди да се дистанцираат, како и да научат нови и иновативни начини да се грижат за уникатните потреби на своето бебе
Оваа услуга може да ја користат родители на деца до 3 години. Помош нудат и социјалните работници, наставниците и психолозите, кои советуваат за спиење, исхрана и однесување и за се друго што би можело да го зголеми стресот и исцрпеноста кај родителите на малите деца.
Според Американската психолошка асоцијација (АПА), една од седум жени доживува постпородилна депресија, а студија од јули 2022 година објавена во „Journal of Psychiatric Research“ покажува дека стапките значително се зголемиле од почетокот на пандемијата на коронавирус.
Студијата од 2019 година објавена во списанието „Academic Pediatrics“ покажала дека жените кои имаат немирни бебиња имаат двојно поголема веројатност да имаат умерени до тешки симптоми на депресија.
