Свеста за АДХД и бројот на дијагнози на ова нарушување се зголемува. Но, сè уште е тешко за родителите да кажат дали нивното дете има нарушување во однесувањето или е само темпераментно, живо.
Психологот Себ Томпсон вели дека луѓето со оваа состојба може да страдаат од некои или сите значајни симптоми, а тоа се потешкотии со концентрацијата, хиперактивност и импулсивност. Сепак, АДХД на поединци може да влијае различно, а д-р Томпсон објаснува како да се препознае состојбата.
На детето му е тешко да биде мирно и тивко
Неможноста да седи мирно, прекумерниот немир, чувството дека тишината е непријатна, потешкотии во тивко извршување на задачите, импулсивно зборување или правење работи без размислување за последиците може да бидат знаци на АДХД, истакнува д-р Томпсон.
Детето често заборава и лесно ги губи работите
Според д-р Томпсон, заборавеноста и губењето работи се исто така знаци на АДХД, но се јавуваат дури кога нарушувањето станува претерано и го попречува секојдневниот живот.
Неможноста да седи мирно, прекумерниот немир, чувството дека тишината е непријатна, потешкотии во тивко извршување на задачите, импулсивно зборување или правење работи без размислување за последиците може да бидат знаци на АДХД
Тешко му е на детето
Ако имате впечаток дека на вашето дете му е тешко, ова може да биде јасен показател за АДХД.
„Замислете дека сакате навистина да обрнете внимание на разговорот што се одвива, но вашиот мозок тоа не ви го дозволува. Или сакате да ја завршите домашната задача, да гледате телевизија, а не можете да се исклучите. Светот може да биде многу фрустрирачко место за млади луѓе со АДХД, особено ако не разбираат зошто нивниот мозок работи на тој начин“, истакнува д-р Томпсон.
Детето делува потиштено или депресивно
Некои деца со АДХД страдаат од анксиозност и депресија, особено ако имаат ниска самодоверба.
