Кај главоболка која е последица од мигрена, постојат некои дополнителни симптоми, како што се чувствителност на звук и светлина. Во случај на инфекција со коронавирус, ваквите симптоми не се појавуваат
♦♦♦♦♦♦♦
Ковид-19 е респираторна болест која ги напаѓа белите дробови, а досега се откриени голем број на симптоми кои се поврзани со коронавирусот. Еден од нив е главоболката.
Главоболката е забележана како симптом и во раната и во доцната фаза на инфекција, а кај некои пациенти овој симптом може да се појави пред вообичаените симптоми како што се кашлица и треска.
Истражувачите се обидуваат да проценат колку често се јавуваат главоболки кај луѓето со Ковид-19. Досегашните истражувања откриле дека главоболките се јавуваат кај 11-34% од пациентите хоспитализирани поради Ковид-19. Слични проценки се објавени и од Светската здравствена организација (СЗО) и Американскиот центар за контрола и превенција на болести (CDC). Во извештајот на CDC, исто така, се наведува дека главоболката е почест симптом кај луѓето на возраст под 65 години.
Во досегашните извештаи главоболката која е поврзана со Ковид-19 ги има следниве карактеристики:
- умерен или тежок интензитет;
- предизвикува пулсирање или притисок;
- се јавува на обете страни на главата;
- може да се влоши кога нагло ќе се свртите.
Како и кај другите вирусни заболувања, главоболки предизвикани од Ковид-19 може да се појават со висока температура. Треската е невообичаена кај мигрена, како и кај други видови на главоболки
По што се разликува од мигрената?
Кај главоболка која е последица од мигрена, постојат некои дополнителни симптоми, како што се чувствителност на звук и светлина. Во случај на инфекција со коронавирус, ваквите симптоми не се појавуваат.
Како и кај другите вирусни заболувања, главоболки предизвикани од Ковид-19 може да се појават со висока температура. Треската е невообичаена кај мигрена, како и кај други видови на главоболки, како што е тензиска или кластер-главоболка.
Ако ве мачи главоболка и се сомневате на Ковид-19, измерете ја температурата и видете кои други симптоми ги имате, советува „Healthline“. Ако забележите дека имате уште некои класични симптоми на коронавирус, треба да се тестирате за Ковид-19.
