Началничката на педијатрија во Здравствениот дом „Палилула“ во Белград, д-р Анета Јовановиќ, за РТС ги објаснува разликите меѓу симптомите на коронавирус, грип и настинка кај децата.
„Симптомите се покачена телесна температура, придружена со главоболка и општа малаксаност“
На прашањето како родителите можат да направат разлика меѓу грип, респираторна инфекција и коронавирус, докторката објаснува дека прво треба да се направи епидемиолошка анамнеза – дали детето било во контакт со лице позитивно на Ковид-19 или дали има деца позитивни на Ковид-19 во градинка и училиште и имајќи го предвид тоа и клиничката слика да се одлучи за тестирање.
„Симптомите се покачена телесна температура, придружена со главоболка и општа малаксаност“, вели докторката.
„Вирусот на грип оди нагло, со многу покачена температура, детето е многу малаксано, со болки во мускулите и зглобовите, понекогаш е придружено и со гадење и повраќање, како и течна столица“, додава Јовановиќ за РТС.
Што се однесува до коронавирусот, тој оди постепено и полесно.
„Почнува со затнат нос, гребење во грлото, покачена телесна температура и постепено… Болеста воглавно завршува за три до пет дена, а кај некои деца трае и малку подолго“, нагласува докторката.
Таа истакнува дека кога станува збор за коронавирусот, доминираат училишните деца. „Веројатно и поради нивните активности многу се движат низ училиштата, имаат разни спортски активности“, додава д-р Јовановиќ. (РТС)
