Според пишувањата на Центарот за контрола и превенција на болести на САД, делта сојот на коронавирусот е многу позаразен и може да доведе до сериозни последици. Со оглед дека најголем процент од децата не се вакцинирани, тоа ги става во група која е чувствителна и која лесно може да се зарази.
Кон средината на јули, Министерството за здравство објави дека сите родители кои имаат деца над 12 години, а кои сакаат да се вакцинираат против КОВИД-19 може да го направат тоа, со претходна најава. Во моментов, вакцинирањето на деца над 12 години е одобрено единствено со Фајзер вакцината, за која и Европската агенција даде одобрување дека може да се користи кај деца на возраст помеѓу 12 и 15 години.
КАКО ДА СЕ СПРЕЧИ ШИРЕЊЕ НА ЗАРАЗАТА ВО УЧИЛИШТЕ?
На 1 септември почнува новата учебна година 2021/2022, а владината одлука е дека стартот е со физичко присуство за сите ученици. Ова се неколку стручни совети како децата да останат безбедни и да се заштитат остантите, по седнувањето во училишните клуши.
Предупредете го детето колку е важна хигиената на рацете и дека мора правилно и често да ги мие кога е надвор од дома
- Личните работи нека му бидат на едно место, во шкаф или на неговата купа и стол
- Во затворен простор задолжително да носи маска за лице
- Детето нека остане дома ако неодамна било во контакт со заразено лице или ако детето развие некој од симптомите на болеста КОВИД-19
- Осигурајте се дека училиштето има како да постапи во случај да се јави поголем број на заразени
ШТО МОРА ДА ЗАПОМНИТЕ?
- За да се спречи ширење на заразата, детето треба да носи маска во училиница.
- Мора да ги мие рацете кога е надвор од дома.
- Мора да ги чисти и дезинфицира површините кои ги користат и останатите ученици.
ВРАЌАЊЕ ДОМА ПО НАСТАВА
- Детето мора добро да ги измие рацете
- Дезинфицирајте ги рачките на вратите и површините во домот на кои можже да се задржи вирусот
- Перете ја облеката и маските одвоено
ПРЕВЕНИРАЈТЕ ИНФЕКЦИЈА ВО СОПСТВЕНИОТ ДОМ
Избегнувајте да ја ставате училишната торба или ранец на површини кои сите ги користат, а работите кои морате да ги извадите, би било паметно да ги избришете со дезинфекционо средство пред да ги вратите во чантата.
Предметите за во училиште обидете се во домот да ги чувате одвоени од останатите работи за да превенирате ширење на вирусот.
Редовно чистете ги и дезинфицирајте ги површините во домот за да спречите задржување, но и ширење на вирусот.
КОГА ДЕЦАТА ТРЕБА ДА СЕ ТЕСТИРААТ НА КОВИД-19?
Ако забележите дека имаат какви било респираторни симптоми, јавете се на тестирање. Децата кои развиваат симптоми мора да бидат тестирани од педијатар.
Според експертите, ако детето е позитивно, треба да биде изолирано додека симптомите не се повлечат. Се додава дека дури и ако детето е позитивно, но нема потреба од медицинска нега, родителите мора да следат дали симптомите како што се дишењето, но и општата состојба се влошуваат. Проветрувате ја просторијата во која престојувате.
