За да му обезбедите на вашето дете оброк со полна вредност од вашето млеко, важно е и вие да квалитетно да се храните и да ги внесувате потребните нутриенти во организмот секој ден.
Одлично е ако по породувањето сте почнале да доите и го правите тоа и натаму. Но, не треба да заборавите и на тоа дека само здравата исхрана може да го направи вашето млеко здраво и за детето.
Што мора да биде застапено на вашето мени?
Протеини – потребни се дополнителни 16 гр протеини секој ден во првите шест месеци од лактацијата, а тоа е приближно го има во 65 гр сирење, месо, живина или риба и во 2 јајца.
Калциум – за да ги задржите резервите на калциум, потребни ви се дополнителни 400 мг калциум дневно, кои може да се најдат во голема чаша млеко, 300 гр јогурт или две кришки сирење.
Цинк – потребни се дополнителни 6 мг, а најдобри извори се морските плодови и посно црвено месо.
Витамин Ц – потребни се дополнителни 45 мг витамин Ц секој ден. Најмногу го има во свежото овошје.
Течност – важно е да внесувате доволно течност. Добрата хидратација ќе помогне во производството на млеко. Целта е да се консумираат најмалку 1,5 – 2 литри течност секој ден.
Витамини и минерали – Доколку не можете да јадете разновидна исхрана, побарајте совет од лекар во врска со мултивитаминско-минерален додаток ,во консултација со лекар.
Железо – залихите се доста исцрпени во текот на бременоста, а релативно тешко е да се надомести со храна, па според проценката на лекарот понекогаш е потребно да се зема во таблети.
