Може да биде прилично зачудувачки да ги гледаме нашите деца како растат, а да не зборуваме за сите работи што ги учат со огромна брзина (особено додека се мали). Од моментот кога ќе се родат, изгледа како секој ден да стануваат се поголеми и поголеми. Им купуваме нова облека, а ја надраснуваат и за неколку дена. Сепак, добрата вест е дека ова е само привремено бидејќи секое дете на крајот ја достигнува својата конечна висина.
Постојат многу фактори кои влегуваат предвид, а генетиката и дали вашето дете е момче или девојче се само некои од нив.
Табела за раст за момчиња и девојчиња
Еден од најголемите фактори во конечната висина на вашето дете е полот. Според „Kids Health“, девојчињата вообичаено ќе го имаат својот најголем скок на раст на возраст од 10 до 14 години. Нивната висина е поврзана со пубертетот. Откако ќе ја добијат првата менструација, тие веројатно ќе пораснат уште еден или два сантиметра пред да ја достигнат конечната висина на возрасен човек. Во просек, тоа значи дека тие престануваат да растат околу 15-годишна возраст, но секогаш постојат исклучоци.
Кај момчињата е малку поинаку, но пубертетот исто така игра важна улога во нивната конечна висина. Имено, нивниот скок во растот доаѓа малку подоцна од оној кај девојчињата, на возраст од 12 до 15 години, а момчињата обично престануваат да растат до 16-тата година од животот.
Што се однесува до просечната висина, генетиката (исто како кривата на раст што вашето дете ја следи цело време) игра голема улога во овој одговор, но конечната просечна висина за девојчињата е околу 164 сантиметри, а за момчињата 179 сантиметри.
Еден од најголемите фактори во конечната висина на вашето дете е полот. Според „Kids Health“, девојчињата вообичаено ќе го имаат својот најголем скок на раст на возраст од 10 до 14 години. Нивната висина е поврзана со пубертетот. Откако ќе ја добијат првата менструација, тие веројатно ќе пораснат уште еден или два сантиметра пред да ја достигнат конечната висина на возрасен човек. Во просек, тоа значи дека тие престануваат да растат околу 15-годишна возраст, но секогаш постојат исклучоци
Иако децата растат со различна брзина, многу родители се загрижени дека нивните деца растат пребрзо или премногу бавно. Според „Kids Health“, дете кое е значително повисоко или пониско од своите врсници може да страда од нарушување на растот или ендокрино заболување, поради што е важно да разговарате со педијатар ако се сомневате дека нешто не е во ред. Како што расте вашето дете, здравата исхрана е исто така клучна, особено во најраните години од неговиот живот.
„Ако имате дете кое било хронично недоволно исхрането во првите шест месеци од животот, невролошката и физичката штета е доживотна и може, меѓу другото, значително да влијае на висината на детето подоцна во животот“, објаснува професорот за клиничка исхрана Чарлс Мулер.
Можете ли да ја предвидите висината на вашето дете?
Може да биде тешко да се одреди точната висина што вашето дете ќе ја достигне како возрасна личност, но постои формула што докторот Џозеф Гиганте ја сподели со „CafeMom“ и која можете да ја користите за да процените колку би можело да биде високо вашето дете кога ќе заврши со растењето. Станува збор за следнава формула.
Ако во кое било време или од која било причина сте загрижени за растот на вашето дете, експертите препорачуваат да разговарате за вашите грижи со педијатар. Во меѓувреме, уживајте додека ги гледате вашите деца како растат
Кај момчињата висината на таткото се додава на висината на мајката, на тој збир се додава бројот 13 па се дели со 2. При пресметувањето на конечната висина на девојчињата, пресметката е на сличен начин, висината на таткото се додава на висината на мајката, потоа се одзема бројот 13 па се дели со 2.
Оваа формула е само предвидување кое во повеќето случаи дало точни одговори, но децата се единствени, па никако не е единственото правило за нивната конечна висина.
Ако во кое било време или од која било причина сте загрижени за растот на вашето дете, експертите препорачуваат да разговарате за вашите грижи со педијатар, зашто на крајот на краиштата, тие затоа и постојат. Во меѓувреме, уживајте додека ги гледате вашите деца како растат.
