Убодот од комарец ретко прави сериозни проблеми, но постојат две ситуации кога детето може да биде загрозено.
АЛЕРГИЈА
Некои деца се алергични на убод од комарец. Таа алергија, како и повеќето други, може да почне било кога, па и на летен одмор. Тогаш, црвенилото и птокот на местото на убодот се многу изразени. Особено лесно отекуват капаците на очите и местата каде се граничат кожата и слузокожата. Местото на гризнување чеша, а помалите деца често ја расчешуваат кожата, па можно е да се јави инфекција.
ГОЛЕМ БРОЈ НА УБОДИ
Друга неповолна варијанта е кога детето ќе биде искасано од голем број комарци, па бројните промени на местото на убодот се непријатни.
И во двете ситуации, детето може да биде многу вознемирено – раздразливо, а поради силното чешање, тешко спие.
Што може да превземете?
- Кај помали и обични убоди ништо! Се ќе помине за неколку дена.
- Кај изразен оток или кај голем број на убоди се препорачува давање на антихистаминик, со цел да се намали чешањето и отокот, и детето подобро да спие. Обично, терапија од неколку дена е доволно проблемот да се реши.
