Фармацевтските компании објавуваат ветувачки резултати од испитувањата на своите кадидати за вакцина против КОВИД-19. Вестите звучат оптимистички: кандидатите наводно нудат 90% заштита од КОВИД-19, некои најмалку 70%… Сите надежи се насочени на тоа дека вакцината во догледно време ќе спречи ширење на коронавирусот и ќе ја стопира пандемијата. Но, колку долго човечкото тело ја задржува заштитата од вирусот?
Се уште не може да постојат долгорочни студии, па нема ни одговор на тоа прашање. Неодамна објавена студија на Имунолошкиот институт во Калифорнија, истражувала заразени лица. Според неа,најмалку пет месеци по појавата на симптоми можело да се докаже постоење и антитела и т.н. Т-клетки – две главни оружја на одбранбениот систем на човечкото тело, дури и во случај на благи симптоми.
Томас Џејкобс од Институтот за тропска медицина во Хамбург смета дека тоа се охрабрувачки податоци со оглед на тоа дека нашиот одбранбен систем има повеќе различни начини на делување. Тој посебно издвојува две работи: во оваа студија постои т.н. стерилна имуност која зависи од голем број неутрализирачки антитела. Ако телото има многу такви антитела, тие го уништуваат вирусот пред тој да продре во клетките. Соодветните вакцини дури би можеле да предизвикаат подобар одговор на антителата отколку природна инфекција. Така долго, додека постојат доволно антитела, може да се поаѓа од робустна, ако не дури и стерилна имуност, вели Џејкобс.
Покрај тоа, повеќе месеци може да се види постоење на Т-клетки, лимфоцити одговорни за имуност на клетките. На таа основа може да се очекува слабеење на симптомите на заболувањето од КОВИД-19, објаснува професорот.
Карстен Вацл, имунолог на универзитетот во Дортмунд, укажува на тоа дека кај останатите коронавируси кои предизвикуваат обични настинки, човек од ново заболување во просек е заштитен до година и половина. Но, природната инфекција не може да се спореди со вакцинацијата, бидејќи одговорот на имуниот систем по вакцинацијата е целосно ефикасен.
“Се надеваме дека имуноста предизивикана со вакцината трае значајно подолго“, вели тој.
Освен тоа, моментално се уште не е јасно дали вакцината ќе штити и од пренесување на вирусот на други лица.
“Во случај да постои силен одговор на антителаѕа, веројатноста за пренесување на вирусот е многу мала“, вели Џејкобс. Но, кај клиничката имуност би можело и натаму да постои ризик за пренесување на вирусот на други лица, за тоа би морало да бидат спроведени понатамошни студии.
