Вакцината против COVID-19 претставува важен чекор напред за науката и човештвото, и надеж дека ќе донесе крај на пандемијата на коронавирус. Сепак, важно е да се напомене дека вакцината не е моментално решение, затоа што не делува веднаш. Ова значи дека дури и по вакцинирањето има одреден временски период во кој се уште ќе бидеме подложни на вирусот.
Експертите велат дека на вакцината против COVID-19 може да и бидат потребни и до две недели за да започне да ве заштитува, а првата доза ќе обезбеди само половина од потребната заштита.
На вакцината и требаат од 10 до 14 дена за да делува
Специјалистот за инфективни болести, д-р Кристијан Рамерс, изјави за ABC News: „Од клиничките испитувања на вакцината знаеме дека ќе треба приближно 10-14 дена за едно лице да развие заштита“.
Важно е да се напомене дека вакцината не е моментално решение, затоа што не делува веднаш. Ова значи дека дури и по вакцинирањето има одреден временски период во кој се уште ќе бидеме подложни на вирусот
„Обично се потребни неколку недели за телото да произведе Т-лимфоцити и Б-лимфоцити по вакцинирањето“, објаснуваат од Американскиот центар за контрола и превенција на болести во своите упатства. Овие лимфоцити се неопходни за да се постигне имунитет од вирусот. „Затоа е можно некое лице да се зарази со вирусот што предизвикува COVID-19 непосредно пред или по вакцинирањето, a потоа да се разболи затоа што вакцината немала доволно време да обезбеди заштита“.
Првата доза обезбедува само околу 50 проценти заштита
„Првата доза на вакцината (ако вакцината е двофазна) дава околу 50 % заштита“, објаснува д-р Рамерс. „Втората доза е потребна за да се обезбеди 95 процентна заштита“. Значи, дури и откако ќе поминат две недели откако сте ја примиле првата вакцина, и понатаму ќе имате само делумен имунитет на COVID-19, поради што е потребно да ја примите втората доза.
Медицински техничар добил COVID-19 една недела откако примил вакцина
Здравствените експерти истакнуваат дека е можна зараза со вирусот во временскиот период помеѓу приемот на вакцината и стекнувањето на имунитет. ABC известува дека на 18 декември Метју В., медицински техничар во две болници, споделил на Фејсбук дека ја примил вакцината против COVID-19 на „Фајзер“. Шест дена подоцна, Метју добил COVID-19 откако ја завршил смената во болничката COVID-единица. Тој за ABC изјави дека главните симптоми се треска, болки во мускулите и замор.
Првата доза на вакцината (ако вакцината е двофазна) дава околу 50 % заштита“, објаснува д-р Рамерс. „Втората доза е потребна за да се обезбеди 95 процентна заштита“. Значи, дури и откако ќе поминат две недели откако сте ја примиле првата вакцина, и понатаму ќе имате само делумен имунитет на COVID-19, поради што е потребно да ја примите втората доза
„Тоа воопшто не е неочекувано, особено ако некој е изложен на вирус“, рече д-р Рамерс. Тој посочи дека е можно медицинскиот техничар да бил заразен пред вакцинацијата или да бил заразен со вирусот по примањето на вакцината затоа што неговиот имунитет сè уште не бил изграден. Неговиот случај покажува колку сме далеку од ставање крај на пандемијата.
Д-р Рамерс вели дека случајот на Метју покажува дека дури и со вакцината, пандемијата нема да заврши преку ноќ. „Слушате дека здравствените работници се многу оптимистични за почетокот на крајот, но тоа ќе биде бавно, ќе трае со недели, па дури и месеци додека не постигнеме доволен процент на вакцинирана популација.“ Лекарот додава дека случаи како овој служат како потсетник да продолжиме да носиме маски и да преземаме други мерки на претпазливост.
