Коронавирус: Дали смртоносниот „Ковид-22“ е реална закана или само мит?

Една од најновите гласини во врска со коронавирусот беше пласирана неодамна и се однесува на можноста за појава на посмртоносна и поопасна закана во форма на „Ковид-22“.

За среќа, ова е само мит, кој произлезе од интервјуто на швајцарскиот научник Саи Реди. Неговата изјава уплаши и збуни многумина, и многу брзо се прошири на социјалните мрежи. Меѓутоа, сега е објаснето зошто не треба да стравуваме од појава на „Ковид-22“.

„Верувам дека Ковид во 2022 година, особено во периодот од јануари до март, ќе биде полош отколку оваа година. Тоа го темелам на неколку фактори како што се: појавата на варијантата делта, која се шири побрзо, потенцијалната појава на нови мутации на шилестиот протеинот што би можеле да ги заобиколат антителата, значителен број невакцинирани во Швајцарија и во остатокот од Европа, олеснувањето на мерките“

Професорот Реди кога зборувал во интервју за швајцарско-германски весник („Блик“), навистина го користел терминот Ковид-22, но неговата изјава била целосно извадена од контекст. Груб превод на она што го кажал гласи: „Ова веќе не е Ковид-19. Јас би го нарекол Ковид-22“.

И додека сите веќе добро знаеме дека вирусот мутира и познати ни се неговите варијанти, не станува збор дека пандемијата целосно ќе го промени текот или ќе се претвори во Ковид-22. За такво нешто нема никаква научна основа и експертите велат дека не постои опасност од т.н „суперваријанти“ или дека Ковид-19 ќе се претвори во Ковид-22.

Покрај тоа, научниците велат дека „19“ во името на Ковид-19 стои во знак на годината во која се појавија првите случаи на инфекција во Вухан. Со самото тоа не станува збор за промена на името, и нагласуваат дека е невозможно да се предвиди текот на пандемијата во 2022 година и нема смисла некој да предвидува дека следната година ќе има Ковид-22. Исто така, велат тие, нема докази за можноста за појава на суперинфективни варијанти.

Швајцарскиот професор Саи Реди ги појасни своите изјави

Паниката, која настана од погрешното пренесување на неговите изјави, го натера професорот да објасни што точно кажал. Тој вели дека никогаш не рекол дека сегашниот вирус може да се претвори во Ковид-22, туку само дека постои можност следната година да стане повирулентен.

Појавата на нови и потенцијално поопасни варијанти може да се спречи само со вакцинација, потенцираат експертите

„Верувам дека Ковид во 2022 година, особено во периодот од јануари до март, ќе биде полош отколку оваа година. Тоа го темелам на неколку фактори како што се: појавата на варијантата делта, која се шири побрзо, потенцијалната појава на нови мутации на шилестиот протеинот што би можеле да ги заобиколат антителата, значителен број невакцинирани во Швајцарија и во остатокот од Европа, олеснувањето на мерките“, објасни тој.

Иако е можно вирусот да стане поопасен и заразен, дел од научниците тврдат дека е малку веројатно дека покрај варијантите бета, делта и делта плус ќе се појави уште некоја нова варијанта. Исто така, некои веруваат дека најлошото нешто што може да се случи сега е да научиме да живееме со вирусот, со оглед на неговата вирулентност и веројатност дека многу луѓе ќе дојдат во контакт со него.

Појавата на нови и потенцијално поопасни варијанти може да се спречи само со вакцинација, потенцираат експертите, пишува „Times of India“.