Една од најчестите дилеми во време на пандемијата со КОВИД-19 е дали е потребно дете да носи маска во јавност.
Одговорот е, накратко – ДА.
Според советите на Центарот за контрола и превенција на болести на САД, деца постари од две години треба да носат маска кога се наоѓаат во друштво, за да се спречи ширење на вирусот. Тоа би требало да бидат маски од ткаенина, кои ги користат и возрасните. Специјалните маски кои ги користат здравствените работници децата не треба да ги носат.
ЗОШТО ДЕЦАТА ТРЕБА ДА НОСАТ МАСКА?
Децата се често без симптоми, што не значи дека не можат да го шират вирусот. Токму затоа, потребно е и тие да ги носат за да се спречи ширењето на коронавирусот.
Сепак, важно е да се истакне дека децата помали од две години не треба да носат маска. Тие имаат помали дишни патишта, и маската дополнително би им го отежнала дишењето. Тогаш се зголемува опасноста од гушење.
Имајте предвид дека детето само мора да умее да ја извади маска доколку биде потребно. Тоа е уште една причина зошто бебињата не смеат да ги носат.
КОГА ДЕЦАТА ТРЕБА ДА НОСАТ МАСКА?
Наједноставно е да ја носат штом ќе излезат од дома, бидејќи многу често може да заборават да ја стават кога е потребно. Доколку сте со нив, секогаш гледајте да ја ставаат кога се во затворен простор или во близина на поголема број луѓе.
Во секој случај, без оглед на тоа дали одите со бебе или со постаро дете, држете физичко растојание.
КАКО ДА ГО НАТЕРАТЕ ДЕТЕТО ДА СТАВИ МАСКА?
Децата често може да негодуваат кога е во прашање носењето маска. Обидете се да одберете онаква која ќе му се допадне на детето и која ќе му биде интересна. Децата често имаат изговор дека не им се допаѓа како изгледа маската, дека не им е удобно да ја носат, дека не се чувствуваат убаво…
Затоа, дадете му на детето автономија, самостојно нека ја декорира својата маска и сигурно потоа со гордост ќе ја носи. Исто така е важно и вие самите да му бидете пример на детето.
Обидете се на детето во склад со годините да му објасните дека носењето маска ќе спречи и тоа, но и други луѓе да се разболат. Нека се чувствува како херој затоа што ја носи и спасува туѓи животи.
