Се карактеризира со болка слична на онаа предизвикана од срцеви заболувања или срцев удар. Костохондритисот се јавува без одредена причина, се јавува почесто кај жени постари од 40 години, а воспалението се третира со лекови против болки и мирување.
„Костохондритисот е воспаление на ‘рскавицата што ги поврзува ребрата со градната коска. Се работи за воспалителен процес кој најчесто зафаќа неколку ребра, обично од иста страна на градната коска. Тоа е состојба која може да биде прилично болна, па затоа пациентот се обраќа на лекар“, објаснува хрватската професорка д-р Злата Ожвачиќ-Аџиќ, специјалист по семејна медицина.
Костохондритисот обично се повлекува сам од себе, долгорочната прогноза е добра. Се лекува со примена на аналгетици и антиинфламаторни лекови, првенствено нестероидни антиревматици
Најчесто се работи за неспецифично воспаление кое е примарно, иако понекогаш може да се појави и како дел од други заболувања, на пример, ревматски инфламаторни заболувања или дури и да укажува на тумор во телото, но тоа се многу ретки случаи. Некои истражувања покажаа дека костохондритисот е почест кај жените. Главниот симптом поради кој пациентите се јавуваат кај својот лекар е болка во пределот на градите.
Најчесто се работи за неспецифично воспаление кое е примарно, иако понекогаш може да се појави и како дел од други заболувања, на пример, ревматски инфламаторни заболувања или дури и да укажува на тумор во телото, но тоа се многу ретки случаи
Првата задача на лекарите од примарната здравствена заштита е да ја исклучат можноста дека се работи за акутен миокарден инфаркт, односно срцев удар. Со палпација, односно притисок врз местото на болка, лекарот веќе открива потенцијален проблем, како и при длабоко вдишување на пациентот и движење на рацете. Ова се само првите чекори во дијагнозата. Потоа, на пациентот му се прави електрокардиограм.
Костохондритисот обично се повлекува сам од себе, долгорочната прогноза е добра. Се лекува со примена на аналгетици и антиинфламаторни лекови, првенствено нестероидни антиревматици. Воспалението што ја предизвикува болката со текот на времето се смирува, а лековите се применуваат локално или орално, додава проф. Злата Ожвачиќ-Аџиќ.
Професорката секако ги советува луѓето веднаш да контактираат со лекар во случај на појава на болка во градите. Според некои истражувања, костохондритисот е и еден од скриените симптоми на коронавирусот, пренесува ХРТ.
