Научниците ги прегледале податоците на 80.000 американски деца помлади од 5 години кои прв пат биле заразени со коронавирус, вклучувајќи 7201 инфицирани кон крајот на декември или почетокот на јануари кога омикрон сојот предизвика повеќе од 90 проценти од случаите.
Откако ги земале предвид другите ризик фактори, вклучително здравствените состојби и социјално-економските фактори, научниците откриле дека децата заразени во текот на бранот предизвикан од омикрон, имале 29 отсто помал ризик од посета на итните служби, 67 проценти помал ризик од хоспитализација, 68 отсто помал ризик да им биде потребна интензивна нега и 71 процент помал ризик од потреба за апарати за дишење во споредба со децата заразени со делта.
Меѓутоа, “поради зголемената преносливост на омикрон, вкупниот број на посети во итните оддели, хоспитализациите, приемите на интензивна нега и користењето на механички респиратор кај децата и понатаму може да бидат поголеми“ со омикрон отколку со делта, се наведува во извештајот објавен на medRxiv пред научна рецензија.
Се уште необјавени податоци покажуваат дека “децата помлади од 5 години имале најголема стапка на инфекции со омикрон“ во споредба со постарите деца и возрасните во сите возрасни категории.
