Шефицата на службата за јавно здравје на Израел, Шерон Алрој-Преис, изјави дека повеќето од најтешките пациенти во таа земја кои страдаат од Ковид-19 не се вакцинирани, и дека речиси секој што е на респиратор е невакциниран.
ТРЕТА ДОЗА
Во Израел третата, бустер вакцина се дава од август. Нова студија покажа дека Израелците се десет пати позаштитени од сериозни инфекции 12 дена по примањето на бустер дозата отколку оние кои примиле само две дози
„Од 175 пациенти на респиратор, две третини воопшто не се вакцинирани“, рече Алрој-Преис, додавајќи дека од 27 пациенти поврзани со ЕКМО уреди, повеќето помлади од 60 години, 90 % се невакцинирани.
Изјавата на Алрој-Преис доаѓа еден ден откако Американскиот центар за контрола и превенција на болести (ЦДЦ) објави нови податоци, кои покажуваат дека луѓето кои не се вакцинирани имаат 11 пати поголема веројатност да умрат отколку оние кои се целосно вакцинирани, пренесуваат израелските медиуми.
Алрој-Преис предупреди дека е важно да се спасат животи, а не колку луѓе ќе бидат заразени.
Предупредувањето беше упатено до Израелците кои можат да ја примат вакцината, но не го сториле тоа. Станува збор за околу 850.000 од вкупните 9,3 милиони жители на Израел. Во Израел, 2,7 милиони луѓе веќе ја примија третата доза на вакцината, што шефицата на јавното здравство ја опиша како импресивно достигнување.
„Ние сме водечка земја која му покажува на светот дека вакцината спасува животи и потиснува сериозна болест“, рече таа.
Во Израел третата, бустер вакцина се дава од август.
Нова студија покажа дека Израелците се десет пати позаштитени од сериозни инфекции 12 дена по примањето на бустер дозата отколку оние кои примиле само две дози.
Исто така, се покажа дека луѓето кои се имунизирани со три вакцини имаат 95% заштита од инфекција воопшто, слично на ефикасноста на вакцината Фајзер против првите соеви на коронавирус, пренесува „Бета“.
МЗ: Новата студија на CDC јасно ја нагласува ефикасноста на вакцините против Ковид-19 против сериозни болести или смрт
Само со масовна вакцинација ќе успееме да се извлечеме од вирусот Ковид-19 и да се вратиме во нормален и безбеден начин на живеење, апелираат од МЗ
♦♦♦♦♦♦♦
Центарот за превенција и контрола на болести на САД (CDC) во петокот (10.09.2021г.) објави нова студија, која јасно ја нагласува ефикасноста на вакцините против Ковид-19 против сериозни болести или смрт. Оваа студија е спроведена во период од повеќе од три месеци, испитувајќи ги хоспитализациите и смртните случаи од вирусот Ковид-19 и заклучоците од истата покажуваат дека дури 10 пати е поголема веројатноста невакцинираните луѓе да бидат хоспитализирани, односно 11 пати е поголема веројатноста дека ќе имаат смртен исход од болеста. Според анализите во раното издание на студијата за состојбата со пандемијата, земајќи го предвид четвртиот епидемиолошки бран и значајното проширување на новата делта варијанта во САД, хоспитализацијата и смртта од болеста доживуваат пад во текот на целиот период, се вели во соопштението од Министерството за здравство на нашата земја.
Инциденцата на инфекција со САРС-КоВ-2, хоспитализација и смрт е повисока кај невакцинираните отколку вакцинираните лица, и според Центарот за превенција и контрола на болести на САД (CDC) вакцинирањето штити од тешки заболувања од Ковид 19, вклучувајќи го и делта сојот на вирусот
Центарот за превенција и контрола на болести на САД (CDC) во својот неделен извештај кој се однесува на морталитетот и морбидитетот укажува на стапките на инциденца, поврзани со ефективноста на вакцините. Инциденцата на инфекција со САРС-КоВ-2, хоспитализација и смрт е повисока кај невакцинираните отколку вакцинираните лица, и според Центарот за превенција и контрола на болести на САД (CDC) вакцинирањето штити од тешки заболувања од Ковид 19, вклучувајќи го и делта сојот на вирусот.
Вакцините се безбедни и штитат од неконтролирано ширење на вирусот Ковид-19. Сите вакцини штитат од тежок тек на болеста и смртен исход и тие се единствениот начин да се спречи оваа пандемија со која се бориме веќе долго време. Сите студии, анализи насекаде во светот покажуваат значајни придобивки во борбата против вирусот. Само со масовна вакцинација ќе успееме да се извлечеме од вирусот Ковид-19 и да се вратиме во нормален и безбеден начин на живеење, апелираат од Министерство за здравство.
