Симптомите на воспаление на синусите и Ковид се многу слични, па може да биде збунувачки веднаш да се знае за која болест се работи. Сепак, постојат знаци според кои овие болести се разликуваат.
Заеднични симптоми на синузитис и Ковид се течење на носот, назална конгестија, главоболка, замор и треска. Доколку почувствувате некој од овие симптоми, најдобро е да избегнувате контакт со други луѓе, пишува „Тајмс оф Индија“.
Различни симптоми
Болка и притисок во челото и околу очите, секрет, забоболка и лош здив се симптоми карактеристични за синузитис. Исто така, постојат знаци единствени само за Ковид и ретко се појавуваат кај воспаление на синусите.
Еден од поважните симптоми се дигестивните проблеми како повраќање и дијареја. Потоа, болки во телото, отежнато дишење, кашлица и губење на мирис и вкус.
Времетраење на симптомите
Синузитисот обично трае две до три недели, а Ковидот една или две недели по првичната инфекција, во зависност од тежината на болеста. Ако се работи за долг Ковид, тогаш и неколку месеци.
