Легионелата е инфекција предизвикана од бактеријата Legionella pneumophila, која започнува како атипична пневмонија. Оваа бактерија се појавува во клима-уредите и се наоѓа во топла вода. Се шири преку капки, а доколку лекувањето не започне навреме, последиците можат да бидат сериозни.
Предизвикувачот е бактерија која може да преживее во вода повеќе од една година. Легионелата е почеста во лето затоа што се создаваат идеални услови за нејзино размножување и пренос – топла застојана вода, активна употреба на клима-уреди и базени, и честа изложеност на аеросоли.
Првите симптоми се појавуваат десетина дена по изложеност на бактеријата: висока температура, кашлица, а понекогаш и главоболка, болка во мускулите, замор, болка во градите, повраќање, дијареја, губење на апетит и отежнато дишење
Докажано е дека температура од 60°C ја уништува бактеријата, но Legionella pneumophila најдобро се размножува при температури меѓу 25°C и 45°C. Нејзиниот развој дополнително се поттикнува со присуство на каменец, рѓа или биослој во системите со вода.
Како се пренесува инфекцијата?
Инфекцијата се пренесува со вдишување воздух кој содржи бактерии, што често се наоѓаат во клима-уреди кои содржат вода. Најверојатно нема да се заразите од клима-уред во автомобил или дома, туку во канцеларија, хотел или болница.
Легионелата може да се најде и во базени, тушеви, езера и реки, а не е невообичаено нејзиното присуство и во фонтани или резервоари за топла вода. Исто така, може да се појави во системот за водоснабдување, ако некоја цевка е оштетена или водата е помешана со површинска вода поради неисправен приклучок.
Ако не се лекува, болеста може да биде многу опасна и да доведе до состојби опасни по живот, како што се септичен шок, респираторна инсуфициенција или бубрежна слабост. Се лекува со антибиотици, а закрепнувањето може да трае подолго
Болеста не се пренесува од човек на човек, но сепак, постојат ризични групи – тоа се лица со ослабен имунитет, пушачи, хронично болни, лица кои премногу консумираат алкохол и мажи постари од 50 години.
Не се заразуваат сите кои ќе ја вдишат оваа бактерија – некои луѓе се отпорни.
Симптоми на легионела
Првите симптоми се појавуваат десетина дена по изложеност на бактеријата: висока температура, кашлица, а понекогаш и главоболка, болка во мускулите, замор, болка во градите, повраќање, дијареја, губење на апетит и отежнато дишење.
Кај некои пациенти се јавуваат гастроинтестинални симптоми, а кај некои невролошки. Ако не се лекува, болеста може да зафати и други органи, не само белите дробови.
Лекување
Треба веднаш да се јавите на лекар штом ги забележите симптомите. Присуството на бактеријата се утврдува со земање примероци од крв и урина, а вообичаено се прави и рентген на белите дробови.
Ако не се лекува, болеста може да биде многу опасна и да доведе до состојби опасни по живот, како што се септичен шок, респираторна инсуфициенција или бубрежна слабост.
Се лекува со антибиотици, а закрепнувањето може да трае подолго.
