Според последниот извештај на Институт за јавно здравје кој се однесува за состојбата со КОВИД-19 за минатата недела (10.01-16.01.2022) вкупно со коронавирус за заразиле 205 деца на возраст од 0 до 9 години. Од почетокот на епидемијата во земјава не е регистриран ниту еден смртен исход на дете од оваа возрасна група.
“Деца ретко хоспитализираме поради КОВИД-19. Тоа е всушност добро, повеќето деца може да се опсервираат низ дневни болници, па дури и со редовни контроли на неколку дена. Најчесто се хоспитализираат деца со коморбидитети или деца на најмала возраст. Има и ситуации кога децата не се тешко болни“, објаснуваат инфектолозите.
Според педијатрите кога станува збор за компликации кај децата и КОВИД-19, најчесто се среќаваат со MIS-C (мултиситемски воспалителен синдром) – интензивен имунолошки одговор што се јавува исклучиво со КОВИД-19.
“Може да биде исклучително сериозен и кај одреден број на деца да резултира и со смртен исход. Овој синдром не е многу чест, средната линија најчесто се јавува кај деца помеѓу 8 и 10 години. Ако таквата болест се препознае навреме и се лекува, ќе дојде до излекување“, објаснуваат педијатрите.
Кај поголемиот број деца, КОВИД-19 се манифестира со благи или никакви симптоми, но сепак оваа болест ниту за возрасните, ниту пак за децата не е обична настинка, потенцираат лекарите.
