Во неодамна објавената студија во стручното медицинско списание The Lancet’s Child & Adolescent Health, британските научници детално ги опишале невролошките и психијатриски манифестации на тежок КОВИД-19 кај децата. Како што е споменато во студијата, проценетата преваленца на невролошки компликации поврзани со SARS-CoV-2 инфекцијата и мултиситемскиот воспалителен синдром кај хоспитализираните деца и адолесценти изнесувала околу 3,8 слуачи на 100 пациенти.
Освен респираторни и кардиоваскуларни компликации, пациентите со КОВИД-19 имаат висок ризик од развој на невролошки симптоми, вклучувајќи енцефалопатија, мозочен удар, невромускуларни нарушувања и епилептични напади. Кај педијатриските болни со КОВИД-19 утврдено е дека инфекцијата со SARS-CoV-2 се здружува со мултисистемскиот воспалителен синдром кај деца (MIS-C), што е ретка, но сериозна состојба со тешко секундарно воспаление.
Типично, MIS-C поврзан со SARS-CoV-2, кој се нарекува и детски воспалителен мултисистемски синдром привремено поврзан со SARS-CoV-2 (PIMS-TS), се јавува неколку недели по почетокот на инфекцијата.
Главни невролошки компликации кај болните во невролошката група на КОВИД-19 биле акутен демијелинизациски синдром, тешка енцефалопатија, периферна енцефалопатија, нарушување на движеењето, психоза и транзиторен инсхемиски атак.
Кај болните пак кои припаѓаат на PIMS-TS невролошката група, главни компликации биле системски манифестации, енцефалопатија, промени во однесувањето, халуцинаци и знаци на зафатеност на периферниот или централен нервен систем.
Се смета дека оваа студија ја потенцира разликата во невролошките манифестации кај деца заразени со SARS-CoV-2 со или без PIMS-TS.
