Клучни факти:
-
Најголем дел од ентеровирусните инфекции немаат симптоми или имаат само благи симптоми.
-
Постојат некои типови ентеровирусни инфекции што можат да предизвикаат сериозни заболувања.
-
Ентеровирусните инфекции се почести во летните и есенските месеци.
-
Вашето дете најчесто може да се зарази со ентеровирус преку заразена плунка, слуз или измет од друга личност.
-
Добрата хигиена може да помогне во намалување на ширењето на ентеровирусните инфекции.
♦♦♦♦♦♦♦
Ентеровирус е име за група на вируси. Овие вируси се многу чести и постојат многу различни типови. Секоја година, составот на ентеровирусите што циркулираат (се шират во популацијата) се менува. Некои ентеровируси предизвикуваат болест на рацете, нозете и устата или вирусен конјунктивит (воспаление на очите).
Ентеровирусните инфекции се почести во летните и есенските месеци.
Бебињата, децата и тинејџерите најчесто се заразуваат и се разболуваат. Многу малите бебиња имаат поголем ризик од тешки форми на болеста.
Понекогаш, ентеровирусните инфекции можат да предизвикаат сериозни заболувања, како што се:
- ентеровирус 71 (EV-71),
- ентеровирус D68 (EV-D68),
- човечки пареховирус (HPeV),
- полио.
Кои симптоми се поврзани со ентеровирус кај децата?
*Ако вие, вашето дете или некој друг има потешкотии со дишењето, веднаш повикајте брза помош (194).
Најголемиот дел од ентеровирусните инфекции не предизвикуваат симптоми или предизвикуваат само благи симптоми, како:
- треска,
- течење на нос,
- кашлица,
- осип,
- ранички или меури во устата,
- болки во мускулите.
Овие симптоми може брзо да се повлечат, без потреба од лекување.
Бебињата, децата и тинејџерите најчесто се заразуваат и се разболуваат. Многу малите бебиња имаат поголем ризик од тешки форми на болеста
Одредени типови на ентеровируси предизвикуваат потешка болест. Симптомите на посериозна инфекција се треска (телесна температура 38 °C или повеќе) и некој од следниве симптоми:
- необични или грчевити движења, особено за време на спиење,
- голема раздразливост,
- преголем замор,
- нестабилност при одење или слабост во мускулите,
- забрзано дишење,
- треска и неможност за мокрење.
Што ја предизвикува ентеровирусната инфекција кај децата?
Ентеровирусите се група вируси кои предизвикуваат заразни болести.
Како се шират ентеровирусите?
Вашето дете најчесто може да се зарази со ентеровирус преку допир со:
- плунка,
- слуз,
- измет (фекалии),
- течност од меурчиња кај деца со болест на раце, нозе и уста.
Вашето дете може да се зарази и преку играчки или површини на кои има вирус, а потоа ќе ги допре своите очи, нос или уста.
Вирусот може да се пренесе и преку рацете на заразена личност, па потоа преку допирање на очите, носот или устата.
Кога треба да се јавите на лекар?
Ако сте загрижени за симптомите на вашето дете, добро е да се консултирате со лекар.
Како се дијагностицира ентеровирус?
Лекарот ќе ве праша за симптомите на вашето дете. Може да препорача тестови како:
- тестови на крвта,
- брисеви од нос и грло,
- примероци од измет,
- лумбална пункција.
Овие тестови помагаат да се утврди точниот тип на ентеровирус кој ја предизвикува болеста.
Како се лекува ентеровирусната инфекција кај деца?
Нема специфичен лек за ентеровирус. Поголемиот дел од децата оздравуваат сами.
Можете да му дадете на вашето дете парацетамол или ибупрофен за да му ги олесните симптомите, како болка или треска. Важно е да му давате точна доза на лек. Ако детето има потреба од лекови против болка подолго од 48 часа, треба да се консултирате со лекар. Прочитајте ги упатствата на пакувањето внимателно, бидејќи количината зависи од:
- возраста на детето,
- тежината на детето,
- јачината на лекот.
Побарајте совет од лекар или фармацевт.
Чистете ги и дезинфицирајте ги површините кои често се допираат, како што се масите за пресоблекување, на приме. Исто така, редовно чистете ги играчките и другите предмети кои би можеле да бидат заразени
Многу е важно детето да остане хидрирано и да пие доволно течности. Во зависност од возраста, тоа може да биде:
- мајчино млеко,
- формула,
- вода,
- орални раствори за рехидратација.
Избегнувајте пијалаци со многу шеќер.
Понекогаш, болеста може да биде доволно сериозна за да бара болничко лекување.
Кои се компликациите од ентеровирус?
Бебињата и децата со ослабен имунитет имаат поголем ризик од компликации. Некои инфекции можат да предизвикаат:
- воспалителна болест на мускулите,
- миокардитис (воспаление на срцето),
- перикардитис (воспаление на обвивката околу срцето),
- сепса,
- вирусен конјунктивит (воспаление на очите),
- вирусен енцефалитис (воспаление на мозокот),
- вирусен менингитис (воспаление на обвивката на мозокот).
Како да спречите вашето дете да се зарази со ентеровирус?
Најдобра заштита од ентеровирусите е добрата хигиена.
Можете да го намалите ризикот ако ги миете рацете на вашето дете:
- по користење тоалет или менување пелени,
- пред јадење,
- по бришење нос.
Научете го вашето дете да го покрива носот и устата со марамче или со подлактица кога кашла или кива. Исто така, научете го да не дели:
- чаши,
- прибор за јадење,
- пешкири или крпи за лице,
- четки за заби.
Чистете и дезинфицирајте површини кои често се допираат, како маси за пресоблекување. Исто така, редовно чистете ги играчките и другите предмети кои може да се заразени.
Ако вашето дете се разболи, држете го дома, подалеку од градинка или училиште, за да не го шири вирусот. Ако вие сте болни, а се грижите за мало бебе, мијте ги рацете пред да го допрете или нахраните. Полиомиелитис (полио) може да се спречи со вакцинација. (Извор: Healthdirect)
