♦♦♦♦♦♦♦
Ангела Примаченко имала 27 години, била бремена во 34. гестациска недела, и само неколку денови се борела против коронавирусот, кога донела одлука, со совет од нејзините лекари, да влезе во медицински индуцирана кома. Кога се разбудила, стомакот и бил рамен, а бебето веќе било 5 дена старо.
„Тоа беше емоционално неверојатно“, изјави таа за „Си-ен-ен“. „Беше едноставно лудо да се обидам да разберам што се случило во последните 10 дена, и да се обидам да го соберам животот назад“.
На 26 март, Примаченко била примена на ICU (н.з. интензивна нега) во болницата каде што работи, раскажа нејзината сестра. Три дена подоцна, таа била ставена на респиратор, истата машина за која таа им помага на лекарите при нивната работа
Примаченко живее во Вашингтон, држава која привлече големо внимание како што епидемијата Ковид-19 растеше во САД. Тоа е местото каде што беше објавен првиот случај на коронавирус во земјата, на 21 јануари, каде што се случи првата смрт поврзана со коронавирус во САД, и каде што во старечки дом имаше десетици смртни случаи рано во почетокот на пандемијата.
Примаченко живее далеку од каде што се развиле тие случаи, во предградие на Портланд, Орегон.
Како и многумина што го фатиле коронавирусот, нејзините симптоми започнале со кашлица која ескалирала во треска која никако не поминувала, се потсеќа Примаченко.
Примаченко, респираторен терапевт во медицинскиот центар „Legacy Salmon Creek“, не одела на работа и не знае како го фатила коронавирусот. „Таа го знаеше ризикот“, изјави Оксана Лутен, нејзината сестра близначка. „Ги презеде сите мерки на претпазливост“.
Семејството на Примаченко ја охрабрило да се тестира, а за двата дена, колку што го чекала резултатот, нејзината состојба постепено се влошила.
Тестот бил позитивен.
„Тоа што сум респираторен терапевт или само човек, претпоставувам, знаев дека не можам да продолжам да дишам како што бев и да преживеам“, рече таа.
„Беше едноставно лудо да се обидам да разберам што се случило во последните 10 дена, и да се обидам да го соберам животот назад“
На 26 март, Примаченко била примена на ICU (н.з. интензивна нега) во болницата каде што работи, раскажа нејзината сестра. Три дена подоцна, таа била ставена на респиратор, истата машина за која таа им помага на лекарите при нивната работа.
„Кога сте толку болни, само се борите за вашиот живот“, рече Примаченко. „Мојот фокус не беше на стравот, туку само како да поминам низ сето тоа“.
Бидејќи Примаченко лежела коматозна во нејзината болничка соба, нејзиниот медицински тим имал едночасовен колегиум за да одлучи како да продолжи со нејзината грижа – и нејзината бременост. Нејзините лекари сугерирале да индицираат породување за да им дадат на белите дробови повеќе простор, а на нејзиното тело повеќе хранливи материи, според нејзината сестра.
Сопругот на Примаченко, Давид, им дал дозвола на лекарите, а здравото женско бебе било родено на 1 април. Давид ја нарекол Ава, име кое знаел дека неговата жена го сака и име за коешто подоцна дознале на Интернет, значи „здив на животот“.
Неколку дена подоцна, коронавирусот сè уште ја „тресел“ родилката, а најкритично било на 5 април.
„Ние, всушност, бевме исплашени дека ќе ја изгубиме сестра ми тој ден“, изјави Лутен. Близначките се две од 10 браќа и сестри.
Но, следниот ден, работите драстично се смениле на подобро, Ангела била екстубирана и го напуштила одделот за интензивна нега. Како што го возеле нејзиниот кревет низ ходникот медицинскиот персонал и ракоплескал и ја охрабрувал, а тоа се гледа и на видеото кое таа го постирала на социјалните мрежи. Зад белата маска за лице, таа се смее.
Откако е дома, Примаченко можеше да го прегрне сопругот и да ја види нејзината 11-месечна ќерка Емили додека носи маска. Но, Ава е сè уште во NICU (н.з. интензивна нега), а Примаченко не може да ја види се додека резултатот на нејзиниот тест за коронавирус не биде негативен.
„Само сакам да ја држам и да ја гушнам, да ја сакам и да ги надоместам првите неколку недели кои ги пропуштив“, вели Примаченко.
Се дотогаш, мајката се потпира на верата на своето семејство, како и на молитвите што ги добива од луѓето што ги знае, но многу и од оние кои не ги знае, за да го помине овој период од својот живот.
„Верувам заради заедницата и луѓето и сите што веруваа во мене“, рече таа. „Бог само што направи чудо за мене и моето бебе“. (Си-ен-ен)
