Си-Ен-Ен донесува список на најпопуларните аргументи против вакцинацијата што може да се слушнат од антиваксерите…
- „Не сакам да добијам Ковид-19 од вакцината“
Буквално е невозможно да се добие Ковид-19 од која било вакцина бидејќи ниту една од нив не содржи дури ни дел од вистинскиот коронавирус.
- „Не знаеме кои се долгорочните несакани ефекти од вакцинацијата“
Сите евентуални несакани ефекти на вакцините скоро секогаш се појавуваат „во првите две недели и секако во првите два месеци од вакцинацијата“, рече Ашиш Џха, декан на Факултетот за јавно здравје на Универзитетот Браун во САД.
Поради оваа причина, здравствените експерти побараа од Агенцијата за лекови на САД да почека барем два месеца откако учесниците во испитувањето ја примија вакцината пред итно да добие одобрување за вакцинирање на сите граѓани.
- „Вакцината може да влијае на мојата плодност“
Тоа е чиста глупост, вели д-р Пол Офит, директор на Центарот за едукација за вакцинација во Детската болница во Филадефија.
Нема докази дека луѓето ја изгубиле плодноста поради вакцината против Ковид-19.
- „Не е твоја работа ако не сакам да се вакцинирам“
Одбивањето да се вакцинирате против Ковид-19 всушност влијае на многу луѓе – на вас, вашите најблиски и вашата земја во целина.
Дури и ако вашите пријатели и роднини се вакцинирани, а вие не сте, вие и понатаму можете да го носите и ширите вирусот.
Со тоа што не сте вакцинирани, дозволувате вирусот да се реплицира и потенцијално да создава нови варијанти кои се отпорни на имунизација.
- „Млад сум и здрав, не ми треба вакцина“
Младите луѓе можат да развијат долготрајни компликации како резултат на Ковид-19, кои вклучуваат хроничен замор, болка во градите, отежнато дишење и вртоглавица.
Младите можат лесно да бидат преносители на коронавирусот.
Некои млади луѓе страдаат од цитокинска бура поради Ковид-19, што се случува кога нивниот имунолошки систем претерано реагира и со тоа потенцијално предизвикува сериозно воспаление и други сериозни симптоми, пишува „Си-Ен-Ен“ на својот профил на Инстаграм.
