Американската компанија „Модерна“ објави дека побарала од Американската агенција за храна и лекови (ФДА) итна дозвола за употреба на нејзината вакцина против Ковид за деца на возраст од шест месеци до пет години, објави Си-Ен-Ен.
Извршниот директор на „Модерна“, Стефан Бансел, истакна дека компанијата верува дека вакцината mRNA-1273 ќе може безбедно да ги заштити децата на таа возраст од коронавирусот.
- Ниту една вакцина против Ковид не е одобрена за деца помлади од пет години во САД, потсетува Си-Ен-Ен
Питер Маркс, директор на Центарот за евалуација и истражување на биолошки препарати при ФДА, претходно оваа недела рече дека вакцините за мали деца се „еден од најголемите приоритети“, но призна дека на агенцијата и требаат целосни апликации од производителите на вакцини за да го заврши прегледот.
Тој, исто така, најави дека ФДА ќе ја објави временската рамка за состаноци на советодавниот одбор следната недела, објави Си-Ен-Ен.
