Мајките кои ги дојат своите бебиња стравуваат од тоа да не се разболат во текот на сезоната на настинки. Невозможно е да се живее во стерилни услови, а ако вашето постаро дете оди во јасли, градинка или училиште, неминовно е да донесе дома некој вирус.
Експертите сметаат дека можете безгрижно да продолжите да го доите вашето бебе доколку имате висока температура и симптоми на настинка, но и ако заболите од грип или коронавирус. Можноста бебето да се зарази пиејќи го вашето млеко е минимална, а доењето носи бројни придобивки за детето бидејќи мајчиното млеко содржи антитела кои го зајакнуваат имунитетот на бебето.
Ако земате парацетамол или ибупрофен за да ја намалите покачената телесна температура или да ги ублажите болките, овие лекови се безбедни за доење, но избегнувајте лекови за болки во грлото и спрејови за нос.
Кога станува збор за антибиотици, постојат и такви кои се безбедни за бебето кое се дои, а тогаш задолжително консултирајте се со вашиот педијатар. Ако единственото нешто што ви помага е антибиотик, кој може да му наштети на бебето, продолжете да се измолзувате во истиот ритам во кој сте доеле, за да ја одржите лактацијата и да спречите појава на маститис.
Значи, поголема е можноста бебето да се зарази од вас преку капков пат, отколку ако тоа се случи преку млекото. Еве како да се однесувате со вашето бебе за да го намалите ризикот од инфекција:
- Често мијте ги рацете, особено пред доење.
- Покријте ги носот и устата ако кивате или кашлате
- Фрлајте ги марамчињата по секоја употреба
- Не го допирајте врвот на цуцлата на бебето
- Не го бакнувајте бебето додека сте болни
