Мукозниот чеп во бременоста е нормална појава кај сите трудници. Неговата главна улога е да го заштити бебето од бактерии, вируси и инфекции. Обично ќе испадне сам од себе, одеднаш или постепено, по 37-та недела од бременоста.
Бремените жени често се прашуваат кои се првите знаци на отворање пред породувањето? Па, ако вашиот мукозен чеп испаднал, вашето породување би можело да започне наскоро. Експертите објаснуваат што може да очекувате.
Најпрво, што е мукозен чеп?
Мукозниот чеп е еден од оние груби, но потполно нормални делови од бременоста. Како што имплицира самото име, во основа се работи за голем чеп од слуз што го блокира горниот дел од грлото на матката за да го заштити бебето од бактерии од надворешниот свет. Во медицинска смисла, мукозниот чеп е секрет што го исполнува и затвора цервикалниот канал за време на бременоста. Служи како одбрана на матката и фетусот од бактерии.
И ако водењакот не е пукнат, бебето се уште е заштитено дури и откако ќе испадне чепот. „Ако испадне чепот, а породувањето не започне, тоа не значи дека бебето е изложено на ризик од инфекции“, вели д-р Вард. „Грлото на матката продолжува да произведува слуз за да го надомести она што е изгубено, а плодовата вода има многу имунолошки агенси кои продолжуваат да го штитат бебето од инфекции“
„Мукозниот чеп го запечатува отворањето на грлото на матката за време на бременоста, слично на плута, создавајќи заштитна бариера заедно со амнионската кеса“, објаснува д-р Клара Вард, доктор по фетална медицина во медицинската школа „Мекговерн“ во Хјустон. „Антителата присутни во слузта ги неутрализираат бактериите, вирусите и другите причинители на болеста.“ Хормонот прогестерон ја прави слузта убава и густа.
Како изгледа мукозниот чеп?
Мукозниот чеп кај секоја трудница изгледа различно. Сепак, може да се препознае по некои заеднички карактеристики:
- структурата е гел, односно желатин
- има проѕирна, бела или црвенкасто-кафеава боја (од крв)
- нема мирис
- се растегнува
Чепот може да биде проѕирен, да има бела, жолтеникава или кафеава боја. Исцедокот често може да биде розов, прошаран со крвни садови или сукрвица. Може да биде густ, со потврда текстура, да излезе одеднаш или постепено да излегува во текот на неколку дена. Цервикалната слуз постојано се создава.
Кога испаѓа мукозниот чеп?
Како што се приближувате до крајот на бременоста и вашето тело почнува да се подготвува за туркање за време на породувањето, најпрво треба да испадне мукозниот чеп. „Во последните денови од бременоста, мукозниот чеп се губи кога грлото на матката омекнува, се скратува, па дури и се растегнува во процесот на подготовка на грлото на матката за породување“, вели гинекологот Ејми Ван Блариком.
Кај некои трудници, мукозниот чеп излегува одеднаш. „Изгледа како растеглива топка“, вели д-р Вард. „Може да биде бистра, жолтеникаво бела, бледокафеава, кафеава или розева боја, или обоена со црвени или кафеави ленти крв.“ Кај други трудници, чепот постепено паѓа и можеби трудницата нема ни да знае дека тоа се случило или може да го види само кога ќе се избрише после посета на тоалет. „Не сите жени забележуваат дека испаднал чепот, бидејќи може да се поклопи со други зголемени секрети кои ја подмачкуваат вагината во доцните фази од бременоста“, вели д-р Ван Блариком.
Дали тоа значи дека породувањето е близу?
Ако забележите дека ова се случува, дали тоа значи дека ќе започне породувањето? Да, на крајот, но сè уште немојте да брзате да излезете од дома: може да чекате и со недели. „Паѓањето на мукозниот чеп може да се случи неколку дена или дури недели пред почетокот на породувањето и не може да се предвиди кога ќе започне“, вели д-р Ван Блариком.
Чепот може да биде проѕирен, да има бела, жолтеникава или кафеава боја. Исцедокот често може да биде розов, прошаран со крвни садови или сукрвица. Може да биде густ, со потврда текстура, да излезе одеднаш или постепено да излегува во текот на неколку дена
И ако водењакот не е пукнат, бебето се уште е заштитено дури и откако ќе испадне чепот. „Ако испадне чепот, а породувањето не започне, тоа не значи дека бебето е изложено на ризик од инфекција“, вели д-р Вард. „Грлото на матката продолжува да произведува слуз за да го надомести она што е изгубено, а плодовата вода има многу имунолошки агенси кои продолжуваат да го штитат бебето од инфекции.“
Паѓањето на мукозниот чеп понекогаш се меша со крвав исцедок/слуз, што звучи како хорор филм, но е исто така сосема нормален ран знак за породување. „Т.н. „крвава претстава“ се однесува на крвав исцедок на крајот од бременоста; цервиксот има многу садови кои лесно може да крвават штом грлото на матката почне да се шири“, вели д-р Вард. „Може да се појави заедно со паѓањето на чепот, но не секогаш. Тоа понекогаш може да значи дека породувањето е уште поблиску, во споредба со тоа ако гледате само слуз“.
Единствен случај кога треба да се загрижите е кога не знаете дали се работи за мукозен чеп или дошло до крвавење поради нешто што би можело да влијае на вашето бебе, што во некои случаи може да се случи откако сте имале сексуален однос.
Кои се другите знаци за почеток на породувањето?
Откако ќе испадне мукозниот чеп (ако забележите дека тоа се случува), можеби ќе сакате да внимавате и на некои други рани знаци на породување. „Други знаци вклучуваат чувство дека бебето „паднало“, вели д-р Вард. „Иако ова може да резултира со поголем притисок во пределот на карлицата, дишењето може да биде полесно“. Исто така, можно е да чувствувате повеќе грчеви, болки во грбот или дури и контракции. Можни се и промени во нивото на активност, вклучувајќи замор или вгнездување, како и чувство на лабави зглобови.
И покрај можните симптоми, гинеколозите се согласуваат дека обично нема причина за загриженост кога ќе испадне мукозниот чеп при крајот од бременоста, особено кога не се појавиле други промени.
