Со оглед дека коронавирусот е во пол ек, а во текот на есента присутни се и други вируси, децата често дома доаѓаат со затнат нос и кашлица. Симптомите на КОВИД-19, можат да се препознаат.
“Клиничката слика, за среќа, главно е блага, се движи и постепено настапува – од затнат нос, течење на нос, болка во грлото, главата, покачена телесна температура, од благо покачена до високо фебрилни деца, а може да се јават и мачнини и ретки столици“, објаснува д-р Анета Јовановиќ, раководител на Одделот за педијатрија во Здравствениот дом Палилула во Белград.
Таа опишува и како изгледа текот на болеста кај најголемиот број деца.
“За среќа, за неколку дена на децата им е подобро и потребно е родителите да ги однесат на тестирање за да се испита дали се работи за КОВИД-19 или за некој друг респираторен вирус“, додава таа.
Д-р Јовановиќ ги советува родителите да не ги носат децата веднаш на лекар, првиот ден, поради валидност на тестовите. Дури вториот, третиот ден од појавата на симптомите, ќе се покаже вистинската состојба.
Кога е во прашање лекувањето на децата, педијатарката вели дека се даваат антипиретици и секако се препорачува мирување.
Таа потенцира и кога родителите треба да реагираат.
“Доколку забележите дека детето по три до пет дена од болеста е високо фебрилно (има висока телесна температура), не можете лесно да ја намалите температурата и доаѓа до општа малаксаност, отежнато дишење, интензивно кашлање кое не се намалува и стопира, а присутен е и намален апетит, секако дека треба да се однесе детето на контролен преглед кај стручно лице“, објаснува д-р Јовановиќ, додавајќи дека многу мал број деца завршуваат со компликации.
Сепак таа потеницра дека некои деца имаат малку поголем ризик од останатите да развијат потешки симптоми.
“Високоризична група ссе обезните деца, децата кои имаат некакво хронично заболување, како дијабетес, бронхијална астма, невролошки заболувања, хематолошки пациенти – за нив ризикот е посебен“, нагласува педијатарката.
