Една мајка на социјална мрежа споделила страшна приказна за тоа како дознала дека нејзиното девојче го замениле во родилиште. Имено, 29-годишната мајка сопругот ја обвинил дека го изневерува, откако без нејзино знаење направил тест за утврдување на таковство.
“Цел ден не можев да престанам да плачам. Никогаш не сум го изневерувала сопругот. Го сакам, заедно сме од факултет и сметам дека е љубов на мојот живот“, ја почнува својата приказна мајката.
Поводот зошто нејзиниот сопруг почнал да се сомнева дека е татко на 5-годишната ќерка е што тие двајца како родители имале сини очи, а малото девојче имало кафеави очи.
Откако сопругот ја обвинил за неверство, побарал таа да се исели од нивниот заеднички дома, а таа се надевала дека ќе најде начин како да му докаже дека не е виновна. Потоа сепак се одлучиле да ја тестираат и нејзината крв, за да проверат дали таа е биолошка мајка на нивната ќерка, а тој тест покажал дека всушност ниту еден од нив не бил биолошки родител.
Мајката вели дека одеднаш целиот свет и се превртел наопаку, бидејќи, од една страна се плашела како изненадно на вратата ќе се појави социјална служба и ќе го однесе девојчето кое го сака како своја ќерка, а од друга страна, ја мачело прашањето каде е моментално нејзината биолошка ќерка.
Парот одлучил да ја тужи болницата поради грешката што ја направиле. “Го вратив сопругот, но животот ми стана пекол. Жал ми е воопшто што тој го направи тој тест за татковство“, изјавила несреќната мајка.
Приказната се уште трае, односно овие родители се уште чекаат да ја пронајдат нивната биолошка ќерка.
