Труењето со храна е честа појава, особено во летните месеци. Обично се случува во услови на колективно сместување, градинки, одморалишта, во ресторани за брза исхрана. Меѓутоа треба да се има предвид дека секоја кујна е можен извор на труење, особено во лето, поради високите надворешни температури, кога намирниците се поподложни на расипување, а топлината го потпомага размножувањето на микроорганизмите.
На прво место, треба да избегнувате недоволно термички обработено месо и јајца, како и мелено месо, кое во процесот на обработка поминало низ рацете на поголем број на луѓе. Исто така, голема опасност се и десертите направени со сурови јајца, како што се торти, колачи, сладолед, кремови, како и мајонез
Децата од сите возрасти можат да бидат загрозени, а особено е опасно кога станува збор за мали деца и доенчиња, како и имунокомпромитирани пациенти. Тогаш труењето со храна е многу повеќе од безопасен проблем.
Најчестите причини за труење се бактериите и нивните токсини, но може да бидат и вируси и паразити. Најчесто се работи за салмонела (Salmonella enteritidis), која се размножува во суровото месо од живина и јајца. Покрај тоа, може да се јави стафилококно труење со храна (Staphilococcus aureus), кое се карактеризира со брза појава на симптоми и знаци, 30-40 минути од внесувањето на заразената храна. Предизвикувач, исто така, може да биде и E. coli, Clostridium difficile, Campilobacter, потоа норовирус, но и други бактерии и вируси. Треба да се има предвид дека храната контаминирана со овие микроорганизми најчесто нема надворешно видливи знаци на расипување, што го зголемува ризикот од зараза.
Децата од сите возрасти можат да бидат загрозени, а особено е опасно кога станува збор за мали деца и доенчиња, како и имунокомпромитирани пациенти. Тогаш труењето со храна е многу повеќе од безопасен проблем
Симптомите на труење со храна се карактеристични, но можат да бидат со различен степен, од благи до многу тешки. Се јавуваат болки во стомакот и грчеви, гадење, повраќање и дијареја, која најчесто е водена, но понекогаш и со појава на свежа крв. Труењето со храна често е придружено со покачена телесна температура и малаксаност. Сепак, во некои случаи клиничката слика може да биде многу потешка со невролошки симптоми: отежнат говор, голтање, вртоглавица, силна главоболка, грчеви во мускулите, нарушување во видот, а понекогаш и детски фрас.
Кога станува збор за дете кое упорно повраќа, има дијареја и покачена телесна температура, клучен проблем е дехидрираноста. Затоа, терапијата е задолжителна и неопходна. Во поблаги случаи на труење, рехидратација може да се направи и со внесување на течности преку устата, т.е. со поење на детето. Се препорачува 2-5 ml раствор за рехидратација или разреден сок од јаболко на секои 5 минути. Меѓутоа, доколку тоа не е можно, тогаш пациентот се рехидрира интравенозно, т.е. прима инфузија за надополнување на течностите.
По стабилизирање на состојбата на детето, потребна е диета или т.н. „лесна“ исхрана, која подразбира внесување на лесно сварливи намирници: чај, супа, варен компир и ориз, двопек итн.
Секогаш треба внимателно да се избираат безбедни намирници за исхрана на детето, со соодветни мерки за хигиена. Чест проблем е несоодветното чување и подготовка на храна, особено во летните месеци. На прво место, треба да избегнувате недоволно термички обработено месо и јајца, како и мелено месо, кое во процесот на обработка поминало низ рацете на поголем број на луѓе. Исто така, голема опасност се и десертите направени со сурови јајца, како што се торти, колачи, сладолед, кремови, како и мајонез.
Родителите да не забораваат секогаш да го погледнат важечкиот рок на траење на амбалажата на намирниците што ги купуваат, како и да не купуваат намирници со оштетена амбалажа.
