Откако ќе родите бебе, многу е нормално пријателите и роднините да дојдат и да го изгушкаат вашето малечко. Но, добротворна организација за бебиња предупредува дека ако им дозволите да го бакнуваат вашето новороденче може да го изложите на ризик од сериозна инфекција.
Сите сакаме да ги чуваме нашите бебиња безбедни во тие први месеци, но едноставен бакнеж од сосед на минување или гушкање од посетител со настинка или херпес може да го зголеми ризикот од сериозна инфекција
Тоа е затоа што малите бебиња сè уште имаат незрел имунолошки систем и се многу ранливи на инфекции.
Истражувањето на национално ниво, спроведено од „The Lullaby Trust“, покажало дека 54 отсто од новите и родителите кои очекуваат бебе не се свесни за овој ризик и би им дозволиле на пријателите и семејството да го бакнуваат нивното бебе.
Други 63 отсто рекле дека сè уште би се чувствувале непријатно ако ги замолат посетителите да не го допираат нивното бебе, загрижени дека некого ќе навредат, ќе ги повредат нивните чувства или ќе бидат етикетирани како презаштитнички родители.
На секој трет не би му паднало на памет да побара од роднините да ги мијат рацете пред да го допрат детето.
Џени Вард, извршен директор на „The Lullaby Trust“ рече: „Дури и инфекциите кои предизвикуваат благи симптоми како настинка кај возрасните и постарите деца може да бидат опасни по живот за бебињата“.
Но, добротворната организација ги увери родителите дека ризикот бебето да добие сериозна инфекција може значително да се намали ако следат три едноставни хигиенски мерки. Како дел од нивната кампања за подигнување на свеста за превенција од инфекции, „Lullaby Trust“ ги сподели упатствата THANKS (Think Hands And No Kisses).“
ЧЕКОРИТЕ ШТО СЕКОЈ ТРЕБА ДА ГИ СЛЕДИ КОГА ДОАЃА ВО КОНТАКТ СО НОВОРОДЕНЧЕ СЕ:
- Измијте ги рацете пред да го допрете бебето;
- Не бакнувајте го бебето освен ако не сте негов родител или главен негувател – па дури и тогаш избегнувајте бакнување ако имате инфекција или не сте добро;
- Не посетувајте бебе ако сте болни, неодамна сте биле болни или имате инфекција – ова вклучува настинки, активен херпес, дијареја и повраќање.
Џени објаснува: „Треба да направиме важна работа во смисла на информирање на родителите и на јавноста за ризикот од инфекција на бебињата. Исто така, треба да ги поттикнеме родителите да ги замолат пријателите и семејството да го следат упатството THANKS за да ги зачуваат нивните бебиња безбедни“.
Од добротворната организација предупредуваат дека сериозните инфекции што ги пренесуваат посетителите во ретки случаи може да резултираат со смрт на детето.
Дури и инфекциите кои предизвикуваат благи симптоми како настинка кај возрасните и постарите деца може да бидат опасни по живот за бебињата
Амбасадорката на кампањата и авторка на детски готвачи, Анабел Кармел, го сподели сопственото искуство со губењето на нејзиното бебе откако некој со херпес ја бакнал.
„Го изгубив моето прво дете Наташа на три месеци поради тоа што некој ја бакнал со херпес што потоа прерасна во енцефалитис. Се сеќавам дека седев во болницата беспомошно и ја држев малечката рака додека не се лизна.“
Мајката се присети дека доаѓањето дома без нејзиното бебе „било најтешкото нешто што некогаш требало да го направи“.
Таа се прашувала дали Наташа сè уште ќе била со неа ако тогаш знаела колку бебињата се изложени на ризик да добијат инфекции.
„Сите сакаме да ги чуваме нашите бебиња безбедни во тие први месеци, но едноставен бакнеж од сосед на минување или гушкање од посетител со настинка или херпес може да го зголеми ризикот од сериозна инфекција. И затоа соработувам со „The Lullaby Trust“ за да ја пренесам пораката за THANKS до сите. Ниту едно семејство не треба да ја преживее мачната болка од губењето на бебето.“ (Сан)
